Anila dhe Albulena në dhomën e djemve

Pas një nate të gjatë, të mbushur me thashetheme, lojra dhe biseda të ndryshme, konkurentët vendosin që të flenë. Kështu vajzat bien të flenë, ndërsa djemtë janë akoma zgjuar. Anila dhe Albulena shkojnë në dhomën e gjumit të djemve dhe fillojnë të bisedojnë me Metin dhe Liamin.

Albulena dhe Anila ulen pranë shtretërve të Liamit dhe Metit dhe bisedojnë me ta. Djemtë e tjerë u kërkojnë që të shkojnë në dhomën e tyre dhe anila u përgjigjet se atje nuk i lënë vajzat e tjera që të flasin, pasi ato po flenë.
Liami dhe Anila diskutojnë për një keqkuptim midis tyre. Liami i thotë Anilës se ajo nuk e pëlqen, por Anila e mohon dhe i thotë se u mërzit me të, vetëm se ai i përmendi një difekt të saj.

Pasi sqarohen Liami e pyet Anilën se nga është dhe të dy ndërrojnë temë bisede. Në bisedën e tyre futen edhe djemtë e tjerë të cilët bëjnë shaka me dy vajzat duke u thënë “Nuk ndjeheni mirë në dhomën tuaj?”.
Kështu vajzat vendosin të shkojnë në dhomën e tyre për të fjetur. Duke u uruar “natën e mirë!” Albulena dhe Anila shkojnë në dhomën e gjumit dhe të gjithë konkurentët flenë.