Ermali-Edi, debat për lojën e futbollit; Vajzat thashetheme për Ermalin

Liami, Gjoni e Ermali qëndrojnë në oborr duke luajtur futboll me një top të sajuar me letra dhe me stemën e Big Brother. Atyre u bashkohet dhe Emirjeta e loja shkon shumë mirë. Më pas në lojë futet dhe Edgari, i cili propozon të fillojnë një lojë të re, me pikë të zeruara. Ermali nuk është dakort me këtë ide dhe mes tij e Edit nis një debat. Ermali revoltohet e thotë se nuk do që të nisin lojë të re, por të vazhdojnë atë që kishin nisur. Edi përgjigjet se ai ka të drejtë të japë mendimin e tij për lojën.

Graciano ndërhyn për t’i qetësuar duke u thënë se ata po luajnë për dëshirë e nuk kanë pse të grinden. Liami ndërhyn në debat dhe mban anën e Edit, duke u munduar të qetësojë Ermalin, por ky i fundit i përgjigjet përsëri nervoz e nuk i pranon argumentet e tij. Ermali shprehet se është luftarak në lojë, e jo altrusit si Edi. Debati për lojën mes Edit e Ermalit vazhdon dhe për disa momente të tjera, paçka se djemtë e tjerë mundohen të qetësojnë situatën.

Ndërkohë Gentiana, Albulena dhe Anila qëndrojnë në dhomën e gjumit duke biseduar. Albulena pyet Gentën përse nuk i pëlqen Ermali e ajo përgjigjet se i duket llafazan. Albulena mendon se Ermali ka vetëbesim të theksuar, ndërsa Genta i mëshon faktit se ai nuk i pëlqen dhe për faktin se do të jetë në qendër të vëmendjes. Kjo e fundit shprehet se Elvisi i duket mashkull i vërtetë, por Albulena thotë të njëjtën gjë dhe për Ermalin.