Debat Edi-Liam; Edi: “E kam lënë fëmijën 38 orë pa ngrënë”; Liam: “Je treguar diktator”

Teksa Edi, Liam e Françeska qëndrojnë në oborr duke biseduar ushqimin, Edi shprehet se njëherë e ka lënë djalin e tij, në moshën tre vjeçare, 38 orë pa ngrënë pasi nuk ka dashur të hajë atë që i kanë ofruar. Liami shprehet se Edi qenka treguar shumë i keq, pasi nuk mund t’ia bësh këtë gjë një fëmije. Françeska e pyet Liamin: “Mendon se do të bëhesh ndonjëherë baba” e ai përgjigjet se kur të bëhet, do t’i japë fëmijës së tij çfarë të dëshirojë. Ai shton se të kesh një regjim të tillë siç ka pohuar Edi, do të thotë të jesh i fiksuar, shumë i rreptë. Edi shprehet se është e padiskutueshme që ai ka qenë i rreptë, po kjo nuk është gjë e keqe.

Liami shprehet se të gjithë mund t’ua lejojnë fëmijëve të përkëdhelen e të kenë teksa deri në një farë mase, por Edi përgjigjet se ai e ka bërë fëmijën më të fortë duke e kalitur në këtë formë. Edi shpjegon se e ka lënë të birin vetëm me ushqimin që duhej të hante përpara, pa asgjë tjetër, paçka se ai nuk e pëlqente atë ushqim. Liami shprehet se Edi është treguar diktator në këtë mënyrë, por Edi thotë se ka qenë intolerant. Gerta e Tani afrohen pranë tyre dhe shprehen se nuk do të kishin mundur kurrë ta bënin atë veprim që ka bërë Edi me fëmijën e tij.

Gerta thotë: “Do më dhimbte shpirti ta lija 38 orë pa ngrënë” e Edi shton se dhe ai me gruan e tij qanin nga ana tjetër, por e bënin atë veprim në të mirë të fëmijës. Françeska shprehet se nuk i ka munguar asgjë kur ka qenë e vogël, por gjithashtu është shumë mirë e edukuar. Edi thotë se i ka dhënë djalit të tij kulturë mbretërore, pasi lordët janë të më edukuarit e të më suksesshmit. Gerta thotë se kjo gjë i duket e tepërt, ndërsa Liami thotë se Edi e ka detyruar fëmijën të marrë një edukatë të cilën nuk e kupton e nuk i përshtatet. Edi shprehet se me kulturën që i ka dhënë të birit, ai ka qenë i aftë ta fillojë jetën i vetëm në moshën 14-vjeçare. Ai shton se motoja e edukimit të tij është: “intoleranca zero”. Liam shprehet se Edit i është dashur ndonjë libër mjekësie që të mësonte se çfarë pasojash mund të ketë për femijën ta lësh për kohë të gjatë pa ngrënë.