“Dritani s’ka lidhje serioze, por shumë eksperienca me femra”

Flet e motra, Alda Nuredini, “Dritani larg skandaleve në jetën private”

Është bërë katalizator i jetës brenda shtëpisë më të famshme në Shqipëri. Nëse banorët ishin “përgjumur”, hyrja e tij erdhi në momentin e duhur nga autorët. Gjithsesi, ky nuk është një element që e favorizon në lojë (hyrja me vonesë), por i jep drejtim dhe dinamikë tjetër bashkëjetesës së konkurrentëve. Dritan Zenuni është djali simpatik nga Vlora, volejbollisti që ka tërhequr menjëherë vëmendjen e vajzave dhe ka shtuar listën e gjatë të fanseve. Për ta njohur më tepër, për të mësuar nëse ka hyrë në lojë me një strategji të përcaktuar më parë, për t’u informuar me angazhimet e tij të përditshme, ju ftojmë të lexoni rreshtat vijues…
Çfarë obligimesh ka lënë Dritani jashtë, përpara se të futej në garë?
Këtë pyetje e përkthej: ”Si ishte një ditë e zakonshme e Dritanit?”. Angazhimet e tij konsistonin në punën që bën në clubin “Baroque Saint Tropez” dhe sportin e volejbollit, për të cilin stërvitet rregullisht. Një ditë intensive për një të ardhme të ndërtuar mirë.
Ka punuar si profesor i fizkulturës…Na thuaj diçka më shumë për këtë angazhim.

Pasi përfundoi Institutin e Fizkulturës, filloi punë si instruktor privat dhe njëherazi si mësues fiskulture. Tani sporti për Tanin shihet vetëm në aspektin individual, ndoshta më vonë mund t’i rikthehet mësimdhënies.
Nga ajo që kemi vënë re, ai është joshur shumë nga femrat.Natyrshëm lind pyetja nëse është tip aventurieri apo jo.
Epo aventurat nuk rrëfehen të gjitha në shtëpi, jemi familje me taban ne! (qesh). Përtej pjesës së shakasë them se fiziku dhe puna që bën, e kanë favorizuar të vihet shpesh në qendër të vëmendjes. Për pasojë flirtet me femra nuk i kanë munguar dhe historitë gjithashtu.
Po fotot e shumta me femra që janë publikuar në rrjetet sociale?
Kjo dëshmon se sa shoqe të mira ka! (qesh). E mendoni dot se çfarë do të ndodhë pas eksperiencës në “Big Brother Albania”? Nuk do keni mundësi t’i publikoni të gjitha fotot!
Cili ka qenë raporti juaj me të?
Raport i shkëlqyer, flasim sikur të ishim miq të vërtetë. Ndajmë sekretet, aq sa lejon caku!
Ka lënë jashtë ndonjë lidhje dashurie?
Nuk jemi në dijeni të një fakti të tillë. Ndoshta në horizont nuk ka diçka serioze, aq sa për të vënë në dijeni familjen. Pastaj edhe herët është, nuk i vjen më kjo kohë, në të cilën shijon moshën dhe beqarinë (qesh).
I pëlqejnë lidhjet serioze?Deri më tani na ka prezantuar vetëm një lidhje, e cila ka përfunduar tashmë. Bëhet fjalë për një lidhje të gjatë, e cila ka lënë impakt te të dyja palët. Kjo tregon se e di çfarë kërkon dhe nuk tregohet aventurier në shumicën e rasteve. Ndonjëherë aventurat mbahen mend, shijohen!

Personat që futen në spektakël, “sakrifikojnë” jetën private. Do të dalë ndonjë ‘’skandal’’ për Dritanin, ashtu siç kanë dalë për disa të tjerë deri më tani?
Nëse jeta e dikujt nuk ka “skandale” jashtë, askush nuk sajon të tilla, kur ti je brenda. Logjikisht ju siguroj se deri në përfundim të spektaklit nuk do të “shpërthejë” diçka e papritur për Tanin. E ka kontrolluar me kujdes gjithnjë jetën e tij private, nuk e ka lënë në mëshirë të fatit. Maksimumi që mund ta lidhë me diçka të ngjashme, do të jetë një skandal vlonjat, por ama që nuk do të ketë lidhje personalisht me të.
Ka marrë miratimin e familjes para së të bëhet pjesë e garës?
Dritani ka plot shtatë vite që jeton vetëm dhe i pavarur. Familja e ka mbështetur në çdo iniciativë, duke respektuar zgjedhjen e tij.
Cilat janë prioritetet e tij?
E ardhme e shkëlqyer profesionale dhe në jetën private, pse jo më vonë ndërtimi i një familjeje të shëndetshme.
Cilat janë planet që ka pas daljes?
Këtë do ta vendosë në varësi të ofertave, absolutisht nuk do të mungojnë! Gjithsesi, punën aktuale nuk do ta braktisë…