Elvisi druhet se mund të eleminohet të shtunën nga Genta

Elvisi e Liami qëndrojnë në dhomë duke biseduar e duke u njohur më mirë me njëri-tjetrin. Liami pyet se çfarë kriteresh duhen patur për t’u bërë top model apo mister dhe Elvisi i tregon.

Elvisi thotë se duhet të pregatisë rrobat për të shtunën pasi ka mundësi të largohet. Liam e pyet përse ka këtë mendim dhe Elvisi i përgjigjet se kjo mund të ndodhë duke qenë se fati i tij, Ermalit dhe Metit është në dorën e Gentës.

Elvisi tregon për eksperiencën e tij në konkursin e bukurisë dhe po ashtu në spektaklet e modelingut. Ai shprehet se është zhgënjyer nga eksperienca në konkursin e bukurisë.

Ndërkohë, Genta, Graciano, Meti e Anila qëndrojnë në sallon duke biseduar. Anila përpiqet të bëjë xhelozë Gentianën për Metin duke i qëndruar afër e Genta përgjigjet me shaka se nuk e ka mendjen fare tek ata. Meti thotë se të shtunën do t’a puthë Gentën e ajo përgjigjet se menjëherë pas këtij veprimi, publiku do të reagojë negativisht. Ajo shton se ka një parandjenjë se këtë të shtunë, do të jetë në nominim nga banorët.