Klaudja, Edi, Flori dhe Graciano qëndrojnë në kopësht duke biseduar. Klaudja shprehet se do t’i vijë keq kur eksperienca në Big Brother të mbarojë. Ajo shprehet se në fund konkurentët do t’i marrë malli për shtëpinë e BB, e duhet të jenë shumë të fortë që t’a përballojnë atë presion. Edi i kërkon të mos ia kujtojë këtë ndjenjë që tani, sepse e di që ka për të qenë e vështirë. Klaudja shton se nga njëra anë është më mirë që të dalin nga shtëpia e BB ende pa u ambjentuar mirë, sesa të largohen javën e parafundit prej aty.Graciano thotë se nuk do t’i pëlqente fakti që të rrinte në shtëpi, deri në javën e parafundit të lojës e më pas të dilte. Klaudja shprehet se do t’i mungojë çdo detaj i shtëpisë, më tepër sesa do t’i vijë keq që la lojën përgjysmë. Ajo shton se BB është një nga eksperiencat më të bukura që po kalon, e më pas flasin për mënyrën e të sjellurit brenda shtëpisë. Klaudja thotë se disa nga konkurentët shtiren brenda shtëpisë.
Pranë tyre afrohet Albulena, e cila shprehet se sot ka ndryshuar mendim për Klaudjën. Ajo thotë se i ka pëlqyer mënyra si Klaudja është shprehur sot, dhe e ka gjetur veten në mendimet e saj, paçka se ditët e para ka menduar se nuk do të ketë asnjë lloj interesi t’a njohë.
Klaudja kthen mendimet e saj për Lenën e thotë: “Më je dukur tip pa lidhje në fillim”, pasi nuk e ka dëgjuar të flasë dhe i dukej e çuditshme mënyra si e shikonte. Albulena përgjigjet se i vjen mirë që Klaudja po ia thotë në sy mendimet që ka për të.
