Meti sqaron Gentjanën

Ndërsa Meti, Graciano dhe Anila imitojnë dhe flasin për Gentjanën, kjo e fundit vjen dhe ulet aty pranë dhe kështu u jep fund thashethemeve të tyre. Vetëm Graciano vazhdon të flasë paksa në mënyrë tallëse. Genta që e vë re ironinë e tij i thotë: “Pse më dukesh njeri ironik ti?”, por Graciano e mohon.
Pas një bisede të shkurtër Anila dhe Graciano shkojnë brenda duke u thënë Metit dhe Gentës që të sqarojnë keqkuptimet mes tyre. Genta thotë se ata nuk kanë asgjë për të sqaruar, ndërsa Meti i thotë se ai do që të sqarohet. Ai jystifikon sjelljen e tij duke i thënë Gentës se ai nuk e kashmangur me dëshirë gjatë ditës. Genta nga ana tjetër thotë se me apo pa dashje, ajo është ndjerë keq dhe i kujton Metit se ai është në rrezik dhe për këtë arsye ai duhet t’i flasë Gentës, e cila ka në dorë qëndrimin e tij të mëtejshëm në shtëpi.
Pasi sqarohen Meti mundohet që të hyjë në diskutim me Gentën dhe fillon të flasë për Besardën dhe daljen e saj nga shtëpia e BB.
E ndërsa Meti dhe Genta bisedojnë, pjesa tjetër e banorëve ndodhen në dhomën e ndenjes dhe argëtohen duke luajtur të gjithë bashkë.