Genta:-“Ermal ke të dashur jashtë”;- Ermali:- “Jo”

Gjatë kohës që qëndrojnë brenda kutive, banorët bisedojnë dhe bëjnë shaka në mënyrë që të kalojnë pa e ndjerë shumë kohën, gjatë qëndrimit brenda kutive. Ermali thotë se këtë herë prova po u duket më e gjatë. Liami ankohet se ka dhimbje të qafës. Banorët e tjerë qëndrojnë më shumë në heshtje. Edi që ndodhet jashtë lojës, mundohet që të mbajë me muhabet banorët që vazhdojnë provën.

Genta ngacmon Ermalin dhe Françeskën. Fillimisht ajo pyet Ermalit “ke të dashur ti” dhe Ermali i përgjigjet “Jo”. Genta vazhdon më tej “gjithë ky djal ti, e s’ke të dashur” dhe Ermali i përgjigjet me pyetje “si mendon ti kam, apo jo?”. Genta i thotë se ajo mendon se Ermali ka të dashur jashtë shtëpisë së Big Brother dhe Ermali i thotë se kur ajo e mendon një gjë të tillë, nuk ka pse të pyesë atë. Genta i thotë më tej se ajo do që ta dëgjojë nga goja e tij një gjë të tillë.

Genta vazhdon më tej me pyetjet duke i kërkuar Ermalit që t’i tregojë se si e ka Emrin e dashura e Ermalit, por ai nuk i përgjigjet. Më pas Genta e pyet nëse familjarët e tyre janë në dijeni të lidhjes dhe Ermali i përgjigjet “çi ke këto pyetje rrufe, çjanë këto gjëra që pyet?”. Në bisedën e tyre ndërhyn Erioni i cili i thotë Gentës “po ty ç’të duhet që pyet?” dhe Genta i përgjigjet “pyes se unë merrem me llafe”.
Ermali për t’iu shmangur pyetjeve të Gentës e çon bisedën te Françeska duke i thënë Gentës se ajo e ka braktisur.
Genta mundohet që të fusë në bisedë edhe Françeskën, por ajo nuk i kthen përgjigje.