Banorët ulen të gjithë në tavolinën e ngrënies dhe ndërsa hanë darkë ata bisedojnë duke bërë shaka të ndryshme. Më pas ata vazhdojnë përsëri që të merren me provën ditore. Disa prej tyre kanë arritur që ta mësojnë alfabetin mbrapsht, ndërsa pjesa tjetër vazhdojnë të përpiqen ta mësojnë.Graciano dhe Anila shkojnë në dhomën e gjumit dhe fillojnë të flasin për banorët e tjerë. Ata bëjnë thashetheme, por flasin me kode dhe nuk kuptohen se për kë e kanë fjalën konkretisht. Më pas në dhomën e gjumit vjen Meti. Ai ulet pranë Gracianos dhe Anilës dhe fillon të bisedojë me ta. Anila ankohet për Arbërin. Ajo thotë se Arbëri e ngacmon herë pas here për mardhënien e saj me Metin. Meti këshillon Anilën që të mos i vërë rëndësi ngacmimeve të tij. “Mos i fol hiç” i thotë Anila Metit i cili e këshillon që ajo të mos i flasë kur ai e ngacmon për Metin sepse në këtë mënyrë ai nuk do të flasë më.
Në dhomën e gjumit vjen edhe Genta dhe bashkohet me Metin, Gracianon dhe Anilën. Ata fillojnë të flasin për nominimet. Meti thotë se shumë shpejt po vjen e shtuna dhe kështu kujtojnë edhe eleminimet që do të ndodhin të shtunën dhe banorët që janë eleminuar më parë. Gentjana thotë e mendon se nga loja janë larguar vajzat që janë treguar mendjelehta dhe përmend Arjolën. “Françeska mendoj se po i ul shumë pikë vetes duke luajtur ashtu me ata të dy” thotë Genta. Nominimet e kësaj jave që janë Françeska, Anila dhe Elvisi. Genta thotë se mënyra e sjelljes së Françeskës gjatë kësaj jave e ka bërë që ajo të mendojë në këtë mënyrë dhe i thotë Anilës “kjo është plus për ty”. Meti për të ngacmuar Anilën thotë “Kjo ka me dal këtë javë, boll ka ndenjt”.
Më pas aty vjen Ermali dhe biseda e tyre ndryshon.
0 comments:
Post a Comment