Prova ditore, surprizë e madhe për një nga banorët

Banorët marrin nga Vëllai i Madh zarfin me udhëzimet e provës ditore. Ermira thërret të gjithë banorët që të dëgjojnë përmbajtjen e zarfit që përmban “Provën ditore I”. Kjo provë titullohet ABC duke marrë shkak edhe nga festa e mësuesit që është nesër. Edhe prova do të realizohet nesër dhe më pas banori që do ta fitojë këtë provë do të përfitojë nga Big Brother një surprizë të madhe.

Prova e parë ditore do të jetë shumë argëtuese. Të gjithë banorët duhet të mësojnë përmendësh alfabetin mbrapsht dhe do ta realizojnë këtë provë nesër. Ata nuk duhet që ta shkruajnë alfabetin dhe pastaj ta mësojnë. Kështu vajzat janë të ndaluara të përdorin shkrimet me lapsa sysh apo buzëkuq mbi pasqyrat e shtëpisë.
Edhe shkrimet mbi avullin që krijohet në xhamat që ndajnë pishinën nga zonat e tjera të shtëpisë, nuk janë të lejuara.

Pasi Ermira sqaron banorët me udhëzimet e provës ditore, të gjithë fillojnë të diskutojnë dhe përpiqen që të mësojnë alfabetin për të përfituar surprizën. Kështu banorët mësojnë alfabetin mbrapsht duke nduhmuar njëri-tjetrin. Më pas ata merren përsëri me gatimet dhe përgatitjen e darkës.