Arbana u thotë konkurentëve se ka një njoftim shumë të rëndësishëm për ata. Ajo i bën me dije se në fillim të spektaklit është hapur një televotim për të gjithë konkurentët. Publiku është duke votuat për konkurentin e tij të preferuar, e nga ky televotim, personat e fundit në listë, pra ata që kanë marrë më pak sms nga publiku, do të lënë sonte shtëpinë.Por jo vetëm kaq! Ky televotim do të shërbejë jo vetëm për largimet e sotme, por edhe për nominimet e javës së ardhshme. Rezultat do të publikohen më pas.
Më pas, është momenti për një surprizë për Erionin, i cili ka bërë një nga rrëfimet më prekëse ndër konkurentëve. Ky i fundit na ka emocionuar të gjithëve me rrëfimin për jetën e tij, vështirësitë e të qenit vetëm, humbja e dhimbshme e nënës dhe lidhja fortë që ka me babain, që është njeriu më i shtrenjtë për të.
Arbana fton Erionin të shkojë në dhomën e rrëfimit, ku aty gjen një makinë lodër. Ajo e pyet çfarë simbolizon makina për të dhe Erioni përgjigjet se ajo makinë e çon në një epokë tjetër, në një epokë të lumtur, cilëson ai. Ai thotë se atë makinë e ka marrë dhuratë para shumë vitesh nga njeriu që tashmë është gjysma e tij. Erioni shprehet se babai është shtylla mbështetëse e tij, dhe raporti i tyre është forcuar pasi i zëvëndëson dhe mamanë, e cila nuk jeton më.
Erioni shikon një klip, ku shfaqet babai i tij, brenda shtëpisë së BB, teksa i sjell makinën lodër e më pas bën një rrëfim, ashtu siç ka bërë dhe Erioni në provën e javës. Babai i Erionit tregon për fëmijërinë e Erionit, faktin që ka qenë trazovaç, e më pas për adoleshencën e momentet e tyre të vështira, të humbjes së mamasë së Erionit.
0 comments:
Post a Comment