Meti puth Lorin?! Graciano e Lori, debatojnë; Sqarim, Ermali-Françeska

Lorena teksa bisedon me Klaudjën dhe Vlashin shprehet se për këtë javë mendon se do të largohet Anila, nga banorët që janë në nominim. Vlashi thotë se është në mëdyshje mes Anilës e Edit, e Lori shton se Anila ka luhatje nga java në javë e Vlashi e mbështet këtë mendim. Ndërkohë, Ermali e Françeska qëndrojnë në sallon e Ermali shprehet se nuk po e kupton sjelljen e Françeskës këto ditë e ajo i bën të njëjtën pyetje dhe Ermali i përgjigjet se në një situatë më parë, banorët kanë dashur ta vënë në lojë dhe ai ua ka kthyer me të njëjtën monedhë. Ermali i kërkon Françeskës që mos ta thërrasë me urdhër në momentin që janë mes të gjithë banorëve. Ai i thotë se Françeska e ka gabim mënyrën sesi sillet pasi duket sikur nuk janë të lidhur bashkë. Ermali i thotë: “Mos më kundërshto për asgjë herë tjetër” e Françeska pohon.

Më pas, Meti tenton të puthë Lorin në buzë dhe e ndjek nga pas. Vlashi i thotë Gracianos se Meti ka puthur Lorin e ai i përgjigjet se nëse ka ndodhur, ai s’ka çfarë të bëjë, dhe e pyet Lorin nëse e ka puthur Metin. Ajo i përgjigjet: “Jo, ai më puthi mua”. Graciano pas kësaj, thotë: “E rëndësishme është që të ketë harmoni në shtëpi”. Lori shprehet se është çuditur nga qetësia e Gracianos e ky i fundit përgjigjet se nuk ka çfarë të bëjë nëse ajo puthje ka ndodhur. Lori shprehet se në bazë të përgjigjes që ka dhënë Graciano, kuptohet që atij nuk i intereson aspak ajo. Graciano thotë që Lorit nuk duhet t’i vijë keq nëse ai bën të njëjtën gjë. Ai shton se nuk i intereson çfarë bëjnë të tjerët karshi saj, por reagimi i saj. Graciano përfundon këtë temë duke i kërkuar Lorit që ta mbyllin këtë temë, e i thotë të jetë më e kuptueshme, pasi ai është gjithmonë i tillë me të.

Pasi largohet Graciano, Meti i kërkon falje Lorit për keqkuptimin që i shkaktoi dhe i thotë se e ka bërë për shaka veprimin e tij, e jo për t’i bërë ata të dy të grinden. Lori i përgjigjet se nuk ishte problemi tek Meti, e ai nuk ka përse të shqetësohet, por Graciano u mërzit nga reagimi i saj dhe toni me të cilin i foli.