Përplasje idesh: “Duhet të jetojmë vetëm pas moshës 18-vjeçare?”

Françeska dhe Liami vazhdojnë të bisedojnë, ndërkohë që pjesa tjetër e banorëve bëjnë shaka me njëri-tjetrin. Françeska tregon se do të donte shumë që të jetonte në një shtëpi vetëm, pa prindërit, por thotë se në Shëipqeri është shumë e vështirë, pasi ka shumë shpenzime dhe nuk ka punë. Liami mendon që të hapë një temë me banorët e tjerë lidhur me këtë dhe i pyet ata se do të dëshironin që pas moshës 18-vjeçare të jetonin pa prindërit.

Kështu fillojnë diskutime nga banorët brenda shtëpisë, duke pasur edhe përplasje idesh e mendimesh. Klaudja thotë se ka familje që jetojnë 5-6 persona në një apartament të vogël, dhome dhe kuzhinë, vetëm nga pamundësia për të paguar shpenzimet. Genta tregon edhe për familjet greke, të cilat jetojnë shumë afër me fëmijët e tyre, por në familje më vete. Floriani mendon se ka familje që duan të jetojnë së bashku edhe pse mund t’i kenë mundësitë ekonomike. Klaudja nuk është dakord dhe mendon se shumica e të rinjve do të dëshironin që të jetonin vetëm, por nuk munden.

Diskutimet midis banorëve vazhdojnë për disa minuta.