Prova e parë për Metin; Françeska tregon për ish të dashurin

Prova e parë për ditën e sotme ka protagonist Metin, i cili duhet të mbajë në dorë një top futbolli, e nuk duhet ta lëshojë nga dora e as t’i bjerë në tokë deri në momentin që do t’ia komunikojë Vëllai i Madh. Nëse ndodh njëra nga dy ngjarjet e mësipërme, prova do të quhet te humbur. Liami e ngacmon Metin, me shaka, por Klaudja ndërhyn dhe i thotë të mos e ngacmojë në mënyrë që ta fitojnë provën, por ashtu dhe Meti i thotë se nuk do të rrezikojë ta humbë provën. Banorët e shohin Metin teksa bën lojëra me topin dhe shqetësohen se mos e hedh në tokë, por Liami i thotë se Meti është marrë me futboll dhe e zotëron mirë topin.

Më pas, Françeska qëndron ne dhomën e gjumit me Gentën e i tregon për ish të dashurin e saj. Ajo i tregon se si janë njohur në qytetin e saj, në Vlorë, e se si janë lidhur shumë me njëri-tjetrin. Françeska thotë se ka kaluar shumë mirë me të pasi dilnin shumë, dhe Genta e pyet nëse ai e shikon tani. Françeska i përgjigjet se ish i dashuri është në burg dhe nuk e di nëse e ka mundësinë për ta parë. Françeska shprehet se ai ka bërë gabime për të cilat po paguan, e Genta e pyet nëse ka qenë nevrik me të. Françeska përgjigjet se ai është sjellë shumë mirë me të pasi e dashuronte dhe ka ndryshuar shumë për të. Ajo tregon se ka ndenjur me të që prej qershorit e deri par se të futej në BB. Gjëja më e bukur që ka tani janë letrat që kanë shkëmbyer me njëri-tjetrin, e sa herë që ai i shkruante e prekte me fjalët që i thoshte, dhe qante gjithmonë.