Genta e Edgari flasin për strategjitë në lojë; Liami, bisedë me Gertën e Grandiolën

Genta dhe Edgari vazhdojnë bisedat mes tyre, duke folur për strategjinë e lojës. Edgari thotë se do arrijë që t’i sulmojë të gjithë banorët dhe se atje do të kuptojë nëse ai banor ia vlen apo jo, duke parë mënyrën se si do të arrijë që të dalë nga situata. Të dy banorët mendojnë se do të krijohen grupe dhe do të ketë luftë të egër mes banorëve, por besojnë se në fund do të fitojnë vlerat.

Gerta dhe Liami dhe Grandiola dalin në kopsht dhe fillojnë që të diskutojnë lidhur me debatin që ka ndodhur midis Gentës dhe Arbrit, pasi Liami ka qenë i pranishëm gjatë kësaj situate. Vajzat mendojnë se banorët që e kanë si karakteristikë të tyren faktin që bërtasin, mendojnë se janë të tillë edhe në jetën reale. Gerta thotë se është kurioze që ta shikoje Françeskën vetëm dhe jo në lidhje me Ermalin, por Liami i thotë se ajo arrin që t’ia dalë edhe vetë, sepse sipas tij, ajo ka karakter të fortë.

Liami u bën të qartë vajzave se në fillim duhet ta studiojnë situatat dhe pastaj të hidhen në sulm. Më pas ai fillon që t’u tregojë për veten dhe për punën e tij.

Pak minuta më vonë Liami shkon afër Françeskës e të dy fillojnë që të diskutojnë midis tyre me zë të ulët. “Çfarë ishte duke thënë xhaxhi Edi?”, e pyet Françeska, ndërsa Liami i thotë se ajo duhet që t’i zbulojë vetë gjërat, pasi ai e ka ndihmuar duke i dhënë një sinjal në lidhje me të. “Nuk është ende koha e duhur”, shprehet Françeska e kështu e mbyllin bisedën.