Showing posts with label Arbri. Show all posts
Showing posts with label Arbri. Show all posts

Monday, March 19, 2012

Zgjimi i banorëve; Liami e Ermali komente për Arbrin e Anilën

|0 comments
Në mëngjesin e sotëm, banorët e parë që janë zgjuar janë Meti dhe Edgari. Me këtë të fundit tashmë jemi mësuar që të jetë i pari që zgjohet e kryen punët e para të mëngjesit, e më pas shijon një kafe një rrezet e diellit.

Edi shkon pranë Klaudjës dhe e pyet si ndjehet sot, pasi ka qenë sëmurë e ajo përgjigjet se është më mirë. Më pas zgjohen dhe Anila, Ermali dhe Liami. Ky i fundit pasi kryen punëte para të mëngjesit, shkon pranë Arbrit për ta zgjuar. Anila i tregon Lorenës se ka parë gjyshen e saj në ëndërr e të dyja mundohen të shpjegojnë se çfarë kuptimi mund të ketë kjo ëndërr.

Më pas, Ermali e Liami qëndrojnë në oborr duke biseduar. Ermali i thotë Liamit: “Po kërcen ajo shoqja jote”, duke nënkuptuar Anilën, e Liami i përgjigjet se ajo ka shkuar për ta zgjuar në mëngjes. Ermali çuditet nga ky fakt e Liami shpjegon se Anila duhet ta ketë dëgjuar teksa ai i ka thënë Klaudjës që nuk do bëjë zhurmë për të zgjuar banorët. Ermali këkron të dijë se deri kur kanë ndenjur mbrëmë zgjuar e Liami përgjigjet se ka ndenjur deri vonë duke biseduar. Ermali shton: “Me siguri ke qenë me të fejuarin tënd” duke nënkuptuar Arbrin e Liami përgjigjet se Arbri është afruar vetëm 10 minutat e fundit. Djemtë vazhdojnë të komentojnë banorët e shkëmbejnë opinionet me njëri-tjetrin. 

Saturday, March 17, 2012

Java e djemve në burg; Suprizë për të tre djemtë, takojnë familjarët

|0 comments
Është koha të flasim për tre të dënuarit e shtëpisë së BB. Ata, që prej të shtunës së kaluar kanë qenë të izoluar në dhomën e dënimit dhe kanë dalë prej saj vetëm gjatë provave të javës. Izolimi nuk ka qenë fort i thjeshtë, sepse duhet të hanin vetëm fasule, makarona ose bukë me djathë, në mungesë të këtij të fundit, bukë me gjizë. Por ka pasur shumë momente të bukura, të cilat sëbasku me banorët, i ndjekim në nje klip.

Arbana i pyet tre djemtë e dënuar si ka qenë kjo javë për ta, cilat kanë qenë momentet më të vështira, e cili ka qenë gardiani më i mirë e më i keq. Ermali shprehet se Anilën e kanë korruptuar shpejt, ndërsa Ermira ka qenë gardiania më e rreptë.

Arbana i thotë Edit t’u hapë derën e burgut e t’i shoqërojë djemtë në dhomën e surprizave. Aty gjenden tre familjarët e të dënuarve: mamaja e Ermalit, babai i Liamit dhe vëllai i Arbrit. Arbana i fton banorët të ulen secili përballë familjarëve përkatës. Ata kanë nga një telefon me të cilin do të komunikojnë me ta. Djemtë kanë pesë minuta kohë për të folur me familjarët e tyre.

Tre djemtë fillojnë të flasin me familjarët e tyre e po ashtu ata i kanë sjellë nga një dhuratë djemve. Arbrit i ka sjellë i vëllai një kapelë të një dëshmori të luftës, një këmishë të vëllait të cilën e pëlqen shumë. Mamaja e Ermalit ka sjellë byrek, ndërsa babai i Liamit i ka sjellë një shishe verë dhe një poster të Prodigy. 

Arbri-Erionit: “Të kam nominuar ty e Klaudjën”; Klaudja-Liamit: “Të kam nominuar”

|0 comments
Arbri e Erioni qëndrojnë në kopësht, pasi Arbri ka dalë për të pirë një cigare me gardianin e tij. Erioni e pyet Arbrin kë ka nominuar e ai i përgjigjet se ka nominuar Erionin e Klaudjën. Ai shton se e ka bërë këtë për të parë reagimin e tyre e për të qenë në sfidë. Erioni përgjigjet se nuk është dakort me këtë shpjegim të nominimeve e më tej i tregon se ka nominuar Vlashin e Liamin, me arsye më të forta. Erioni shton se nuk e ka menduar se Arbri do t’a kishte nominuar.

Më pas, Klaudja shprehet me ironi se këtë javë e ka kaluar shumë keq pa Liamin. Ajo shkon pranë tij e i thotë se e ka marrë malli për të, pasi nuk ka patur me kë të grindet. Ajo i pyet djemtë nëse janë të emocionuar për mbrëmjen e sotme e shton se për vete nuk ka emocione. Liami përgjigjiet se ka emocione e Klaudja nuk po tregohet e sinqertë duke u treguar si e qetë. Ai shton se do t’i përcjellë të gjithë banorët një e nga një. Klaudja i tregon Liamit se e ka nominuar, e mendon se ai nuk ka për t’u eliminuar sonte, por Liami përgjigjet se nuk është i sigurt për këtë gjë. 

Social Profiles