Ariola: “Do të jem kumbara e çifteve të shtëpisë”

Ariola, Elvisi, Graciano e Liam qëndrojnë në oborr duke biseduar. Elvisi i sugjeron Ariolës të bëjë një tatuazh e ajo përgjigjet se do t’a bëjë një kur të dalë nga shtëpia e BB. Elvisi shprehet se ka patur shumë dëshirë të bënte një tatuazh si dy pika lot afër syrit, por nuk e ka realizuar nga domethënia që ka. Ariola thotë se nuk do t’ia vlente ai tatuazh, me gjithë bukurinë që ka Elvisi, ndërsa Liam e Graciano shprehen se nuk është shenjë e mirë të bësh të atillë tatuazh.

Ndërkohë, banorët e tjerë qëndrojnë në sallon teksa shijojnë mëngjesin e pregatitur nga Gjoni dhe Ermali. Genta i drejtohet Gjonit me shaka: “Do të të marr për burrë” e ai e pyet me shaka: “Kur?”!

Më pas, të gjithë banorët drejtohen drejt oborrit ku shijojnë kohën e bukur me diell dhe bisedojnë. Ariola ngacmon Elvisin dhe Gentën duke i pyetur nëse do të lidhen bashkë e Meti ndërhyn duke pyetur Ariolën: “A lidhemi ne të dy bashkë?”, por ajo i përgjigjet se nuk do. Ariola shton se kur të lidhen Elvisi e Genta, ajo do t’u vërë unazat, duke u bërë kumbara e tyre.

Ariola vazhdon këtë linjë bisede duke menduar se si mund të krijohen çiftet brenda Big Brother. Duke menduar se me kë do të lidhet Erioni, thotë për Anilën dhe e thërrasin t’ia tregojnë kësaj të fundit. Ndërsa për Gjonin mendon ta bashkojë me Albulenën.

Elvisi shprehet me shaka se Ariola ka dëshirë të martohet vetë e meqënëse nuk po e gjen personin e duhur, po fillon të martojë të tjerët, por Ariola kundërshton.