Ariola-Ermalit: “Ke ndryshuar”

Anila, Françeska dhe Genta qëndrojnë pranë duke biseduar. Vajzat pyesin njëra-tjetrën nëse kanë lënë ndonjë lidhje jashtë, e të treja mohojnë. Françeska shprehet se po të kishte të dashur nuk do të kishte ardhur në BB, për faktin se nuk duronte dot të qëndronte larg personit që do. Ermali ndërhyn në bisedën e vajzave dhe shprehet se nuk është dakort me këtë ide. Françeska thotë se nuk është natyre posesive, por ka dëshirë që të kalojë sa më shumë kohë me partnerin.

Ariola shkon pranë Ermalit e i thotë se këtë javë ai ka ndryshuar sjellje, por Ermali nuk pranon të jetë kështu. Ariola thotë se i vjen mirë për Ermalin sepse javën e kaluar ka ndjenjur vetëm në divan ose duke gatuar. Ajo shton se është e gëzuar për Ermalin sepse ka gjetur shpirtin binjak. Ermali përgjigjet se me këto diskutime, Ariola i bën dëm vetes.

Ermali shprehet se për audiencë mund të puthte Ariolën, por ajo përgjigjet se me të, nuk e arrin dot këtë gjë. Genta ndërhyn dhe shprehet se nga djemtë si fizik i pëlqen më shumë Elvisi, ndërsa Françeska shprehet se i pëlqen Ermali.

Më pas, Ariola shkon në dhomë ku bisedon për Ermalin me Gentën, Erioni dhe Klaudjën. Ajo shprehet se ka dashur t’a provokojë Ermalin, duke i thënë se ai ka ndryshuar, e ai ka reaguar menjëherë, gjë që po të mos ishte e vërtetë, nuk do t’i kishte bërë përshtypje. Pranë tyre afrohet dhe Ermali e Arjola përsëri i mëshon mendimit se i ka parë ata të dy duke u puthur, por Ermali e Françeska mohojnë.