Meti flet për familjen e tij

Meti dhe Graciano ulen pranë pusit të shtëpisë dhe fillojnë të bisedojnë mes njëri tjetrit duke u njohur më mirë edhe me jetën e tyre jashtë. Të dy flasin për eksperiencat që kanë kaluar në punë, për shoqërinë e tyre jashtë shtëpisë etj.
Meti ndër të tjera i pyetur edhe nga Graciano, fillon të flasë edhe për familjen e tij. Ai i tregon Gracianos se ka një familje të madhe të përbërë nga pesë motra dhe tre vëllezër. “Të gjithë janë të martuar, veç unë jo” thotë Meti. Ai tregon edhe për nipërit dhe për prindërit e tij. Meti thotë se babai i tij është ndarë nga jeta kur ai ishte vetëm 9 vjeç dhe gjatë kësaj kohe ka jetuar me nënën dhe vëllezërit e tij.
E ndërsa dy djemtë bisedojnë, në shtëpinë e Big Brother vendoset muzikë. Kjo gjë i gëzon shumë banorët, por sidomos vajzat. Vajzat fillojnë të kërcejnë, ndërsa Meti dhe Graciano vazhdojnë bisedën e tyre duke ndërruar edhe tëmë bisede herë pas here.