Konkuretët në shtëpinë e Big Brother kanë shijuar diellin dhe ato pak ditë të ngohta dhe tashmë që temperaturat kanë rënë përsëri, ata kanë filluar të shqetësohen. Gjatë ditës së sotme konkurentët kanë fjetur më shumë se ditët e kaluara të këtij edicioni dhe janë zgjuar me dhimbje koke dhe shqetësime të tjera. Ata flasin se janë ftohur dhe fillojnë që të ankohen dhe t’i japin këshilla njëri-tjetrit.Brenda në shtëpinë e Big Brother është ngrohtë dhe për më tëpër që këtë vit konkurentët kanë mundësi që të ngrohen me zjarr, pasi ështëpia ka edhe oxhak. Kështu duke ndenjur brenda ngrohtë, konkurentët shpeshherë neglizhojnë të ftohtin jashtë dhe kur dalin në oborr, nuk vishen mjaftueshëm për t’u kujdesur nga i ftohti.
Tashmë ata vazhdojnë përgatitjet e mëngjesit dhe flasin pikërisht për këtë shqetësim të tyre. Klaudja ankohet duke thënë se ajo ka pasur ethe dhe Edgari i thotë se gjithë shqetësimet e tyre vijnë nga ndryshimi i madh i temperaturave brenda shtëpisë dhe jashtë saj.
E ndërsa në shtëpi kanë fillur bisedat e diskutimet e para, Erjoni nuk është zgjuar ende.
