Disa nga banorët dalin në kopsht dhe dëgjojnë Elvisin teksa tregon barsaletë dhe të gjithë qeshin.Meti dhe Erjoni shkojnë në pishinë dhe fillojnë të luajnë me topat që mbajnë logon e AMC-së që kanë marrë nga Vëllai i Madh. Atje është dhe Gentiana bashkë me Albulenën, të cilat luajnë afër pishinës me njëra-tjetrën.
Albulena, Flori dhe Graciano ndodhen në kopsht dhe filllojnë të bëjnë shaka e të qeshin me njëri-tjetrin. Albulena fillon të këndojë dhe të dy djemtë fillojnë të qeshin e të tre banorët hedhin batuta e argëtohen me njëri-tjetrin.
Klaudja dhe Flori flasin për natën e mbrëmshme dhe të qarat e banorëve nga historitë që kanë kujtuar. Klaudja tregon se është prekur shumë, ndërsa Floriani veçon rrëfimin e Metit, i cili i ka prekur të gjithë. Flori e vlerëson si sakrificë shumë të madhe përjetimin e asaj situate nga Meti, i cili ka qenë vetëm 9 vjeç. “Të iki malit, vetëm...është shumë e rëndë”, shprehet Flori. Ai thotë se lufta në Kosovë, nuk ka të krahasuar me luftën e 97-ës në Shqipëri, pasi lufta e Kosovës ka qenë më e rëndë.
Elvisi dhe Anila bisedojnë afër pishinës për gjëra të përgjithshme, ndërsa Ermali luan lojën “Damë” me Arjolën në sallon.
