Ndarja e punëve në grupe, sjell debat mes Françeskës, Arbrit e Dolorezës

Banorët mendojnë që sot të merren me punët e shtëpisë, e secili prej tyre shprehet se çfarë do të bëjnë. Doloreza shprehet se secili prej banorëve së pari, duhet të rregullojë krevatin e vet. Elvisi shpreh mendimin se do të ishte mirë që banorët t’i ndanin punët në grupe, që do të thotë një grup të marrë përsipër të merret me gatimin, me pastrimin e dhomave të ndryshme e kështu me rradhë. Shumica e banorëve pranon e i duket mendim i mirë dhe Edi shprehet se është ndër të parat herë që banorët bien dakort me njëri-tjterin.

Elvisi shprehet se Genta mund të merret me larjen e rrobave pasi e bën mirë këtë punë, por Françeska nuk është dakort. Ermira shprehet se ende nuk i ka të rregulluara rrobat e saj, pasi poshtë krevatit të saj ka rrobat Graciano, ndërsa në dollap nuk ka vend për të, kështuqë ajo i kërkon banorëve të gjejnë një zgjidhje.

Klaudja shprehet se dëshiron t’a shohë se si do shkojë bashkëveprimi i tyre në grupe. Doloreza shprehet se ajo është e gatshme të marrë pjesë në gatim, ndërsa Lorena e Arbri debatojnë pasi nuk bien dakort me mendimet e njëri-tjetrit. Liam propozon që sëbashku me Gracianon e një nga vajzat mund të merren me larjen e xhamave.

Françeska shprehet se që ditën e dytë që ka qenë në shtëpi, ka marrë pjesë në punët e shtëpisë, e tani e tutje do të gatuajë për vetë për veten, pasi ka merak për ushqimin. Doloreza shprehet se Françeska po ofendon veten me llogjikën që ka, e debati precipiton në fjalë më të rënda. Arbri ndërhyn e i thotë Françeskës se ajo ka probleme me veten, nuk di as të flasë, nuk ka edukatë e nuk di të bëjë asgjë. Françeska përgjigjet se Arbri nuk pushon së foluri e ai përgjigjet se Françeska duhet të ketë edukatë për vete, e më pas të mësojë të tjerët.