Të burgosurit hanë fasule për drekë

Banorët bisedojnë për gjëra të ndryshme, ndërkohë që Erioni gatuan drekën për të gjithë, por edhe për tre të burgosurit. Pasi përfundon gatimi i drekës, të burgosurve u shërbehet ushqimi. Graciano është veshur si gardian burgu në vend të Edgarit, ndërsa ky i fundit bashkë me Erionin u sjellin ushqimit të burgosurve.

Ermali, Liami dhe Arbëri fillojnë që të hanë drekën e parë në burgun e Big Brother. Për ta është gatuar fasule, por që të tre falënderojnë Erionin për gatimin dhe e pëlqejnë shumë gjellën. Gjatë kohës që hanë, të tre të burgosurit bisedojnë me njëri-tjetrin duke bërë shaka dhe ndonjëherë duke thirrur banorët e tjerë me pseudonime. Kryesisht ata bisedojnë për ushqimin sepse edhe vakti i darkës do të përbëhet nga gjella me fasule.

Banorët këtë javë do të kenë një buxhet të reduktuar me 50% dhe bisedojnë se si të kursejnë gjatë kësaj jave. Javën e kaluar ata kanë pasur debate të shumta pikërisht për ushqimin, edhe pse kanë pasur një buxhet të plotë. Kështu ata kanë gatuar fasule dhe pilaf duke ngrënë të gjithë të njëjtin ushqim dhe këshu kursejnë sa më shumë.