Banorët në provë për buxhetin e javës

Është koha për një provë, e cila do të përcaktojë buxhetin e banorëve. Është një provë shumë gazmore, e cila do të vendosë buxhetin që banorët do të kenë gjatë javës.

Arbana ua komunikon këtë gjë banorëve e u thotë se do të kryejnë një provë që do të përcaktojë buxhetin e tyre javor. Të gjithë banorët dalin në oborr, ku gjenden disa tullumbace me shkumë. Ata duhet t’u heqin shkumën me anë të briskut, pa i çarë ato. Poshtë shkumës gjendet e shkruar përqindja e buxhetit që do të fitojnë. Për çdo tullumbace, ka nga një përqindje.

Tullumbacet që çahen, nuk llogariten në buxhet. Ata kanë tre minuta kohë për të kryer provën e së fundi, e buxheti total i fituar do të kalkulohet nga produksioni.