Është koha për të folur për Metin. Gjatë qëndrimit të tij në BB, megjithëse është një nga meshkujt më të pëlqyer nga femrat jashtë shtëpisë së BB, ai nuk krijoi një lidhje në shtëpi. Por në zemrën e tij ka një dashuri, një dashuri për të cilën ai ka folur me shumë sinqeritet e dhembshuri në dhomën e rrëfimit.Arbana e fton Metin në dhomën e rrëfimit për të parë një nga rrëfimet e tij më të ndjera e më të bukura të kohëve të fundit. Banorët ndërkohë, shohin gjithçka që ndodh në ekranin e sallonit.
Pasi shikojnë klipin, Arbana e pyet Metin për Laurën, por ndërkohë Meti është përlotur. Meti tregon se ka tre vjet që njihet me Laurën, por ka pasur shumë xhelozi që kanë ndërhyrë në lidhjen e tyre. Gjithashtu, Meti sheh një klip me foto të tijat me me Laurën dhe dëgjon një letër që ajo i ka shkruar duke i shprehur sërish dashurinë.
Arbana e fton Metin të shkojë në zonën e pishinë, ku është shkruar “Ta du zemrën”, çka është shprehja që ata përdorin më shumë kur shkruajnë me njëri-tjetrin. Në fund të pishinës ka një dhuratë për të. Ai duhet të zhytet e ta marrë varësen dhuratë nga Laura.
Laura pret një premtim nga Meti, e ai thotë se para se të hyjë i ka treguar se nuk do të ndryshojë, e asnjëherë nuk do të bëjë diçka që ta lëndojë atë, dhe thotë se e do shumë. Ai shton se nëse do të jenë përsëri bashkë, do të jenë personat më të lumtur në botë, e do ta dojë më shumë nëse e ka afër.
0 comments:
Post a Comment