skip to main |
skip to sidebar
Ndërsa disa nga banorët vazhdojnë që të argëtohen në pishinë, ndërsa disa të tjerë bëjnë shaka me njëri-tjetrin në kopsht, në dhomën e gjumit vazhdon biseda mes Gentës dhe Gracianos. Genta e pyet Gracianon se si janë marrëdhëniet midis tij dhe Lorit dhe se cili është qëllimi i tij me krijimin kësaj lidhjeje, pasi sipas saj, kjo lidhje nuk po evidenton diçka dhe nuk është në të mirë të asnjërit. “Mendova se do të nxirrte më në pah Lorin, por nuk po ndikon për mirë, as për atë”, shprehet Genta. Graciano nuk pranon që të flasë, duke thënë: “Gjërat janë më të thella nga sa duken”. Ai i kërkon Gentës që të flasë me Lorin lidhur me të, sepse nuk i pëlqen që të flasë ai më parë. “Unë nuk e marr vesh as se kur flisni ju me njëri-tjetrin”, i thotë Genta, ndërsa Graciano shprehet se edhe mungesa e komunikimit është diçka që nuk shkon në marrëdhënien e midis tyre.
Genta kërkon të mësojë më shumë për Lorin dhe thotë, duke marrë shkas nga fjalët e Ermalit, i cili ka thënë se Lorena duhet të jetë shumë naive, ose shumë e keqe dhe se këtë e tregon fakti që krijoi një lidhje sapo hyri në shtëpi, ndërkohë që është aq e urtë sa nuk dëgjohet nëpër shtëpi. “Ajo nuk është lidhur”, shprehet Graciano. Ai i kërkon Gentës që ta pyesë Lorenën se si është zënë me Gracianon, ndërsa Genta thotë se nuk mund ta pyesë për një gjë të tillë, kur nuk është në dijeni të lidhjes së tyre.
Graciano thotë se Lorena është shumë naive dhe këtë gjë e thotë me bindje. Ndërsa Gentiana jep mendimin saj dhe thotë se ata të dy nuk kanë asgjë të përbashkët me njëri-tjetrin dhe se është humbje kohe, nëse vazhdojnë të qëndrojnë bashkë. “Prandaj edhe ne e lamë që mund ta vazhdojmë jashtë mbase lidhjen”, shprehet Graciano. Genta nuk mendon se mund të lidhen edhe jashtë sepse ata nuk kanë asgjë të përbashkët dhe fakti që Lorena vjen nga një provincë, e bën atë që të mos përshtatet dot. “Unë nuk e shikoj dot veten me një djalë nga Tirana me një profesion të mirë dhe me një shoqëri të mirë”, shprehet Genta për veten. Graciano ia quan për nder këshillat e saj.
Graciano dhe Anila qëndrojnë pranë njëri-tjetrit për një kohë të gjatë dhe bisedojnë për lidhjen e tij me Lorenën dhe për sjelljen e banorëve të tjerë. Pasi bisedojnë gjatë pranë pishinës, Graciano dhe Anila shkojnë në kuzhinë dhe e vazhdojnë bisedën edhe aty. Pak më vonë në kuzhinë vjen Gentjana e cila pas një përqafimi me Gracianon i thotë atij “më pëlqen ky Graciano, jo ai i djeshmi”.
Gentjana i thotë Gracianos se asaj i pëlqen Graciano ashtu siç është dhe jo si sillet ndonjëherë dhe u referohet kështu debateve që ka pasur Graciano me Vlashin dhe të tjerët në shtëpi. Genta i vë në dukje se për hir të lojës, Graciano ndryshon sjellje dhe acaron e ofendon pjesën tjetër të banorëve. Graciano mundohet që të shfajësojë veten duke thënë se ai po sillet në varësi të mënyrës se si të tjerët sillen kundrejt tij. Edhe Anila që ndodhet po aty përkrah Gentën dhe i thotë Gracianos se ngandonjëherë ai e tepron me sjelljen që bën gjatë debateve. “Edhe mua më ke bërtitur kot, pa lidhje, por unë s’ta kam marrë për ters” i thotë Anila Gracianos.
Gjatë kohës që Graciano bisedon me Gentën dhe Anilën, nuk harron që të ironizojë me fjalët e tyre. Kështu Genta ia kthen me ironi “ne këtu nuk duhet të sillemi kështu, se jemi një familje dhe unë ju dua shumë të gjithëve” dhe Genta ia kthen po me ironi duke i thënë se ai nuk i merr bisedat seriozisht shprehet “jo, ne jemi të gjithë kushërinj”.
Gentjana i kërkon Gracianos që të flasin qetësisht, pa qenë nevoja që të debatojnë. Kështu të tre ulen në tavolinën e ngrënies dhe fillojnë të sqarojnë sjelljen e tyre gjatë debateve që janë zhvilluar gjatë ditëve të kaluara në shtëpi. kështu për disa minuta të tjera Anila, Genta dhe Graciano komentojnë sjelljen e banorëve të tjerë kryesisht për debatet me Klaudjan dhe Arbërin.
Graciano e Lorena qëndrojnë në dhomëne gjumit duke biseduar për mardhwnien e tyre, pa praninë e asnjë banori tjetër. Graciano shprehet se e shqetëson fakti që në shtëpi e jashtë mund të jetë krijuar opinioni që ai e do Lorin vetëm për kohën brenda në BB. Graciano i thotë se gabimi i Lorit është se sa herë që ai kërkon të flasë për diçka me të, ajo i përgjigjet se ka dashur të bisedojë të njëjtën gjë.
Graciano shprehet se e mundon fakti që gjatë gjithë ditës ata nuk qëndrojnë fare bashkë, e bashkohen vetëm natën, ndërsa kur zgjohen zëre se nuk njohen. Ai thotë: “Nuk dua të jap imazhin sikur po të shfrytëzoj. Realisht ne nuk kemi një lidhje, e as dashuri nuk është”. Ai shton se është gjithmonë inisiatori i bisedave mes tyre, e mes tyre nuk ka komunikim. Lorena shprehet se Graciano duhet t’ia kishte thënë më hapur këtë gjë që e shqetëson, e Graciano jep një rast, ku ajo nuk i ka treguar se çfarë ka folur me Arbrin për mardhënien e tyre. Lori përgjigjet se ia ka shpjeguar këtë situatë, por Graciano kundërshton e shprehet se ata të dy i lidh veç nata.
Graciano i kërkon Lorenës që t’i japë një zgjidhje kësaj situate e ajo përgjigjet se ata nuk kanë një lidhje të konsoliduar, por nëse ata vendosin të provojnë të krijojnë një lidhje, por nga ana tjetër nuk kanë komunikim, është më mirë që mardhënia të përfundojë me kaq. Ajo shton se deri më tani ata kanë ndenjur vetëm natën bashkë. Graciano shprehet se dhe nëse lidhja e tyre mbyllet me kaq, s’do të thotë se e ka mbyllur përgjithmonë, ose do të mbajë distancë me të. Lorena shprehet se ka patur dy lidhje jashtë dhe është e vështirë të krijojë besim tek njerëzit e për Gracianon ka vetëm pëlqim e jo ndjenjë. Graciano shprehet se nuk do që njerëzit të mendojnë se Graciano po e shfrytëzon pasi është e urtë pasi realisht nuk është kështu.
Graciano shprehet se dhe nëse e mbyllin lidhjen e tyre, do të mbeten miq, por Lorena nuk duket e bindur për këtë. Ajo shprehet se në këto momente, parapëlqen ta provojë lidhjen me Gracianon për ta parë sesi do të shkojnë gjërat mes tyre. Graciano shprehet se nëse do të fillojë të ndjejë për Lorin, do të përkushtohet shumë ndaj saj e nuk do të jetë i njëjtë për lojën.
Graciano shkon pranë Klaudjës, e cila qëndron shtrirë në dhomën e gjumit e i thotë se Erioni ka disa momente që po bisedon me Dolorezën në sallon. Klaudja i përgjigjet me ironi se Dolorezës më në fund i doli zëri, e pas Vlashit po merret me Erionin. Ajo shton se Graciano është i vetmi person për të cilin ka respekt.
Klaudja kërkon të ngacmojë Gracianon duke i thënë se Lorena po qëndron shumë me Vlashin. Graciano e kupton kërë gjë e i thotë se Klaudja po kërkon t’i ngatërrojë, por biseda qëndron në tone të shakasë. Klaudja i thotë Gracianos që t’i kërkojë Erionit t’i bëjë një supë. Graciano përgjigjet se Erioni është në turnin e gardianit për djemtë e nuk ka shumë kohë për Klaudjën.
Më pas, Erioni afrohet pranë Klaudjën e ajo i kërkon të gatuajë për të, por Erioni përgjigjet se nuk ka kohë të gatuajë vetëm për të, pasi është në gatishmëri për djemtë e burgut. Ai e këshillon se çfarë të veshë, e i thotë të qëndrojë shtrirë meqënëse ka qenë jo mirë nga ana shëndetësore.
Graciano vazhdon që të ndërhyjë në debatin që ndodhi midis Vlashit dhe Dolorezës. Ai i thotë Vlashit se i vjen keq për faktin se ai u prek në njerëzit e tij të dashur, por e bëri qëllimisht ndërhyrjen e tij sepse dëshiron që Vlashi të debatojë me Dolorezën sepse kështu ai bën protagoniste atë dhe asaj i rriten pikë pasi është në nominim me Liamin, Klaudjan dhe Arbrin.
Vlashi i thotë Gracianos që të mos debatojë për gjëra të tilla, ndërsa Graciano i përgjigjet “më vjen keq që t’u prek familja, por kënaqem kur ju debatoni”. Vlashi i thotë Gracianos se po bën gabim që po reagon në mënyrë të tillë sepse janë në kushte të caktuara sepse jashtë ai do të reagonte ndryshe. “Këtu kënaqu me gjërat e këtyre që janë këtu, jo me ata që janë jashtë” i thotë Vlashi Gracianos.
Graciano vazhdon që ta nervozojë, por Vlashi përmban nervat e tij dhe i thotë “po të them vetëm po gabon” duke i rithënë për të disatën herë se po sillet në mënyrë të papjekur kur luan me të tilla gjëra. “Do doja të të shija në të njëjtën situatë, të prekeshin gjërat e tua të dashura dhe të shija si do të reagoje ndaj njerëzve që do të përdorin këtë siç po bën ti”.
Graciano nuk e lë me kaq dhe shkon te Doloreza në dhomën e ndenjes duke i thënë asaj që të sqarohet me Vlashin. Doloreza i thotë se do ta bëjë patjetër një gjë të tillë, por po pret që Vlashi të qetësohet.