skip to main |
skip to sidebar
Liami është ai që hap i pari Provën e Dashurisë. Ai edhe një tjetër herë tregon për të dashurën që ka në gjermani. Liami ulet pranë zemrës me krahë që simbolizon një dashuri që gjendet larg, një dashuri në pritje dhe tregon shkurtimisht se si është njohur me vajzën që e pret jashtë. Ai ka folur shpesh për të dhe të gjithë banorët e dinë historinë e tij, por edhe një herë ai thotë se ajo dashuri është shumë e rëndësishme për të.
Liami përfundon shpejt dhe ia le radhën Arbrit. Arbëri ulet pranë zemër se thyer dhe fillon të tregojë për dashurinë e tij të mbyllur tashmë. Arbëri tregon se ka dy dashuri të tilla, por për të parën nuk mundet të flasë sepse ajo vajzë tashmë ka krijuar një familje dhe nuk do që të flasë për dhe kështu flet për historinë e tij të dytë.
Arbëri thotë se parapara disa kohësh ka njohur një vajzë që nuk ishte nga Prishtina, por që studionte aty. Ai thotë se me të pasi u njohën nëpërmjet shoqërisë së përbashkët që kishin, krijuan një lidhje të bukur që zgjati për disa kohë edhe me dijeninë e familjeve të tyre.
Arbri tregon se fundi i dashurisë së tij erdhi për shkak të distancës që u krijua midis tyre pasi ai u largua për në Amerikë. “ndryshimi i kohës bënte që ne shpesh të mos flisnim dot në orare të duhura dhe pas disa muajsh vura re që ajo po largohej” thotë me trishtim Arbri.
Ai tregon se në fund nëpërmjet një shoqeje kuptoi se ish-e dashura e tij nuk donte të vazhdonte më tej lidhjen e tyre. arbri thotë se kur u kthye e kërkoi ish-të dashurën, por në telefonin e saj iu përgjigj e motra e cila i kishte thënë se ajo nuk donte të fliste dhe se kjo ishte më e mira për të dy. “Tash ka kohë që nuk mundem me u lidh me një vajzë seriozisht” e mbyll rrëfimin e tij arbri dhe të tjerët duartrokasin.
Erioni shkon në banjë dhe shikon që banja është e papastër. Shkon te dhoma e gjumit, ku është Anila dhe i nervozuar i kërkon asaj që të shkojnë në banjë, për të parë papastërtitë. Ai thotë se ambienti duhet të jetë sa më i pastër sepse ata atje jetojnë. Klaudja nervozohet dhe i thotë se ai duhet ta marrë situatën me qetësi, sepse nuk fiton asgjë duke folur me ton të lartë. Edgari mendon se banjën duhet ta pastronte personi që e kishte radhën, ashtu siç pastroi ai gjatë gjithë ditës kuzhinën. Anila e nervozuar thotë se këto debate Erioni duhet që t’i bëjë para se Vëllai i Madh të fikë dritat. Erioni mendon se ajo ato punë duhet t’i bëjë gjatë ditës, por po ia thotë tani që ta ketë parasysh për herë tjetër.
Pasi ikën Erioni nga dhoma, Genta shprehet se Erioni është shumë zemërmirë. “Pse ne të tjerët si e kemi Genta?”, thotë e nervozuar Anila. Ajo e sqaron se Erioni nuk i ka bërtitur me ndonjë qëllim të keq dhe të njëjtin mendim me Gentën ndan edhe Lori.
Erioni pas disa minutash hyn sërish në dhomë dhe shkon tek Anila për ta puthur, duke i kërkuar në një farë mënyre falje që e ka mërzitur. Anila qesh dhe e puth.
Pothuajse të gjithë banorët janë në gjumë, vetëm disa prej tyre janë ende zgjuar dhe bisedojnë me zë të ulët në dhomën e gjumit. Liami flet me Arbrin për familjaret e tij. Ai thotë se të dy prindërit i ka në punë, por me rroga të ulëta. Tregon për të atin i cili punon si magazinier, ndërsa e ëma si bebisiter. Ai thotë se i ndihmon me lek, kur ka mundësi, por jo rregullisht. Ai thotë se është më i lidhur me të ëmën sepse sipas tij, djemtë janë më të lidhur me mamatë.
Më pas Genta shkon te pishina, ku ndodhet Liami. Ai qëndron i zhytur në pishinë dhe thotë se i pëlqen të rrijë vetëm atje, sepse arrin të dëgjojë vetëm zërin e brendshëm të tij. Genta e pyet se çfarë i thotë ky zë dhe Liami ia kthen: “Do t’i kafshoj të gjithë”. Genta e kalon bisedën me shaka e të dy fillojnë që të qeshin me njëri-tjetrin.
Liami e pyet se si po i duket jeta brenda shtëpisë tani që ka kaluar kaq kohë dhe Genta fillon që të shprehet me të, duke thënë se shumica e banorëve veprojnë me qëllim për të lënduar tjetrin. Liami nuk e mendon kështu. Ai thotë se loja është individuale dhe se jetesa brenda është një garë që bëhet midis banorëve. Gentiana i tregon për bisedën që ka pasur me Gracianon në lidhej me marrëdhënien e tij me Lorenën. Liami mendon se Lorena është tepër e urtë dhe e papërshtatshme për këtë lloj formati. “Kush të pyet që je njeri i mirë këtu, duhet lojë”, shprehet Gentiana. “E paske kuptuar më në fund”, ia kthen Liami. Ajo flet për veten dhe i kërkon falje Liamit për ndonjë gjë që e ka mërzitur, duke thënë se vepron pa pasur një qëllim të keq, por Liami i thotë se ajo shpesh bërtet kot, sa për t’u dëgjuar nëpër shtëpi dhe se kjo gjë nuk i pëlqen.
Më pas atje shkojnë edhe disa nga banorët e tjerë, të cilët futen në pishinë dhe fillojnë të argëtohen së bashku me ujë.
Liami, Genta, Vlashi dhe Françeska ndodhen në dhomën e gjumit dhe bisedojnë për debatet që kanë ndodhur në shtëpi dhe për sjelljen e të nominuarve deri në këto momente. Kështu ata bëjnë thashetheme kryesisht për të nominuarit duke dhënë mendimet e tyre se cili mund të dalë të shtunën gjatë spektaklit.
Mendimet e banorëve janë të ndryshme ku Gentjana thotë se mund të eliminohet Klaudja duke kundërshtuar të tjerët që e konsiderojnë si konkurrente të fortë. Genta u thotë se nisur edhe nga komentet e opinionit gjatë live-it Klaudja duket se nuk pëlqehet shumë jashtë. Të tjerët e kundërshtojnë dhe thonë se përpara Klaudjas mund të eliminohet Lorena, Anila apo Ermira. Arbër është ai që e kundërshton Gentën në logjikën e saj dhe i thotë se askush nuk e di se sa pëlqehet jashtë.
Ndërsa Liami e komenton mesazhin e Opinionistit ndaj Klaudjas duke e lidhur me faktin se Klaudja i kishte kërkuar që të mos fliste për të.
Ata bisedojnë edhe për Edgarin dhe për Gracianon, të cilët gjithashtu janë të nominuar gjatë kësaj jave. Vlashi thotë se Graciano ka ndryshuar shumë që nga momenti që ka hyrë në shtëpi. “Graciano ka ndryshuar për keq” thotë Vlashi, ndërsa Liami imiton të shprehurën e tij. Arbër thotë se ai e injoron Gracianon sepse ai e acaron shumë. “Për mu ai nuk ekziston hiç” thotë Arbri, ndërsa Françeska i këshillon që të mos sillen në këtë mënyrë duke u acaruar me lojën e Gracianos sepse ai këtë ka si qëllim, që të acarojë të tjerët.
Më pas vajzat dalin jashtë dhe lënë djemtë në qetësi të cilën mundohen të flenë. Ato shkojnë në oborr dhe u bashkohen bisedave me pjesën tjetër të banorëve që ndodheshin aty edhe më parë.
Në mëngjesin e sotëm, banorët e parë që janë zgjuar janë Meti dhe Edgari. Me këtë të fundit tashmë jemi mësuar që të jetë i pari që zgjohet e kryen punët e para të mëngjesit, e më pas shijon një kafe një rrezet e diellit.
Edi shkon pranë Klaudjës dhe e pyet si ndjehet sot, pasi ka qenë sëmurë e ajo përgjigjet se është më mirë. Më pas zgjohen dhe Anila, Ermali dhe Liami. Ky i fundit pasi kryen punëte para të mëngjesit, shkon pranë Arbrit për ta zgjuar. Anila i tregon Lorenës se ka parë gjyshen e saj në ëndërr e të dyja mundohen të shpjegojnë se çfarë kuptimi mund të ketë kjo ëndërr.
Më pas, Ermali e Liami qëndrojnë në oborr duke biseduar. Ermali i thotë Liamit: “Po kërcen ajo shoqja jote”, duke nënkuptuar Anilën, e Liami i përgjigjet se ajo ka shkuar për ta zgjuar në mëngjes. Ermali çuditet nga ky fakt e Liami shpjegon se Anila duhet ta ketë dëgjuar teksa ai i ka thënë Klaudjës që nuk do bëjë zhurmë për të zgjuar banorët. Ermali këkron të dijë se deri kur kanë ndenjur mbrëmë zgjuar e Liami përgjigjet se ka ndenjur deri vonë duke biseduar. Ermali shton: “Me siguri ke qenë me të fejuarin tënd” duke nënkuptuar Arbrin e Liami përgjigjet se Arbri është afruar vetëm 10 minutat e fundit. Djemtë vazhdojnë të komentojnë banorët e shkëmbejnë opinionet me njëri-tjetrin.
Është koha të flasim për tre të dënuarit e shtëpisë së BB. Ata, që prej të shtunës së kaluar kanë qenë të izoluar në dhomën e dënimit dhe kanë dalë prej saj vetëm gjatë provave të javës. Izolimi nuk ka qenë fort i thjeshtë, sepse duhet të hanin vetëm fasule, makarona ose bukë me djathë, në mungesë të këtij të fundit, bukë me gjizë. Por ka pasur shumë momente të bukura, të cilat sëbasku me banorët, i ndjekim në nje klip.
Arbana i pyet tre djemtë e dënuar si ka qenë kjo javë për ta, cilat kanë qenë momentet më të vështira, e cili ka qenë gardiani më i mirë e më i keq. Ermali shprehet se Anilën e kanë korruptuar shpejt, ndërsa Ermira ka qenë gardiania më e rreptë.
Arbana i thotë Edit t’u hapë derën e burgut e t’i shoqërojë djemtë në dhomën e surprizave. Aty gjenden tre familjarët e të dënuarve: mamaja e Ermalit, babai i Liamit dhe vëllai i Arbrit. Arbana i fton banorët të ulen secili përballë familjarëve përkatës. Ata kanë nga një telefon me të cilin do të komunikojnë me ta. Djemtë kanë pesë minuta kohë për të folur me familjarët e tyre.
Tre djemtë fillojnë të flasin me familjarët e tyre e po ashtu ata i kanë sjellë nga një dhuratë djemve. Arbrit i ka sjellë i vëllai një kapelë të një dëshmori të luftës, një këmishë të vëllait të cilën e pëlqen shumë. Mamaja e Ermalit ka sjellë byrek, ndërsa babai i Liamit i ka sjellë një shishe verë dhe një poster të Prodigy.