Showing posts with label gentiana. Show all posts
Showing posts with label gentiana. Show all posts

Tuesday, March 20, 2012

Banorët kritikojnë Gentën për historinë e saj me ish-të dashurin; Thashetheme

|0 comments
Genta flet në sallon me banorët për ish-të dashurin e saj. Ndërsa Ermali teksa e dëgjon, e këshillon që ajo të mos flasë për të, sepse nuk ka pse ta marrin vesh gjithë këta njerëz vetëm versionin e saj për dikë që nuk e njohin. Të njëjtin mendim ka edhe Erioni. Ajo thotë se një pjesë të fajit mund ta ketë vetë për sa i përket ndarjes me të.

Françeska dhe Graciano dalin në kopsht dhe komentojnë historinë e Gentës. Françeskës i duket çudi që Genta vazhdon që ta dojë aq shumë një njeri që ka ushtruar dhunë tek ajo. Françeskës i duket çudi fakti që Genta i është afruar dhe ka dashur që të lidhet me Metin. Graciano teksa e dëgjon i bën pyetjen: “Po Ermali si të duket, që është i lidhur jashtë, ndërkohë që u lidh me ty, nuk mendon se mund të ta bëjë edhe ty të njëjtën gjë”. Françeska thotë se këtë gjë mund ta shikosh nga aspekte të ndryshme, sepse ai nuk mund ta dojë personin që ka lënë jashtë.

Nga ana tjetër Erioni mundohet që ta ngushëllojë Gentën lidhur me sulmet që ka pasur nga banorët, duke i thënë që të bëhet e fortë se që tani e tutje gara do të bëhet më e fortë dhe do të ketë më shumë presion. Asaj nuk i kanë pëlqyer komentet e Françeskës dhe Klaudjas lidhur me historinë e saj, por sjelljet e tyre i justifikon si pjesë të lojës.

Françeska dhe Ermali shkojnë në dhomën e gjumit dhe shtrihen në krevat, duke puthur e ledhatuar njëri-tjetrin. “Ty të konsideroj të dashur”, i thotë Ermali. “Ku dole në këtë konkluzion? Nuk jam e dashura jote, harroje!”, ia kthen Françeska duke qeshur. Ata vazhdojnë që të pëshpëritin poshtë jorganit, ndërsa të gjithë banorët e tjerë janë në gjumë.

Genta: “Jam ndryshe nga banorët e tjerë, sepse jetoj në provincë”

|0 comments
Genta fillon që të flasë për veten, duke e krahasuar me banorët e tjerë brenda shtëpisë dhe thotë se është shumë e ndryshme nga banorët e tjerë për shumë arsye. Genta mendon se fakti që nuk ka jetuar asnjëherë jashtë shtetit, që nuk është shkolluar dhe ka jetuar në Tiranë, që nuk ka punuar asnjëherë në jetën e saj dhe kjo për faktin se jeton në një vend të vogël, ku mundësitë janë shumë të pakta, e bën atë që të jetë e ndryshme nga pjesa tjetër e banorëve dhe se duhej të ndihej inferiore përballë tyre, por ajo nuk ndihet aspak e tillë.

Genta thotë se mundohet shumë që të përshtatet me banorët edhe pse e konsideron veten se ka mungesa në të gjitha fushat, krahasuar me rininë kryeqytetase. “Të gjitha vajzat këtu kanë pasur më shumë se një lidhje, ndërsa unë vetëm një”, shprehet Genta. Ajo mendon se fakti që mund të kesh pasur më shumë se një lidhje, të bën të ndihesh më e lirshme. Më pas krahason veten e saj me Lorenën dhe thotë se ajo duhet të mundohet të bëjë diçka, qoftë edhe të flasë gabim, por është më mirë se sa të heshtë, sipas Gentës. Graciano nuk është dakord që Genta ka më pak rëndësi dhe vlera se banorët e tjerë brenda shtëpisë, por e falënderon dhe e përqafon për fjalët që i ka thënë në lidhje me marrëdhënien që duhet të ketë ai me Lorenën. 

Genta-Gracianos: “Lidhja jote me Lorin, pa të ardhme”

|0 comments
Ndërsa disa nga banorët vazhdojnë që të argëtohen në pishinë, ndërsa disa të tjerë bëjnë shaka me njëri-tjetrin në kopsht, në dhomën e gjumit vazhdon biseda mes Gentës dhe Gracianos. Genta e pyet Gracianon se si janë marrëdhëniet midis tij dhe Lorit dhe se cili është qëllimi i tij me krijimin kësaj lidhjeje, pasi sipas saj, kjo lidhje nuk po evidenton diçka dhe nuk është në të mirë të asnjërit. “Mendova se do të nxirrte më në pah Lorin, por nuk po ndikon për mirë, as për atë”, shprehet Genta. Graciano nuk pranon që të flasë, duke thënë: “Gjërat janë më të thella nga sa duken”. Ai i kërkon Gentës që të flasë me Lorin lidhur me të, sepse nuk i pëlqen që të flasë ai më parë. “Unë nuk e marr vesh as se kur flisni ju me njëri-tjetrin”, i thotë Genta, ndërsa Graciano shprehet se edhe mungesa e komunikimit është diçka që nuk shkon në marrëdhënien e midis tyre.

Genta kërkon të mësojë më shumë për Lorin dhe thotë, duke marrë shkas nga fjalët e Ermalit, i cili ka thënë se Lorena duhet të jetë shumë naive, ose shumë e keqe dhe se këtë e tregon fakti që krijoi një lidhje sapo hyri në shtëpi, ndërkohë që është aq e urtë sa nuk dëgjohet nëpër shtëpi. “Ajo nuk është lidhur”, shprehet Graciano. Ai i kërkon Gentës që ta pyesë Lorenën se si është zënë me Gracianon, ndërsa Genta thotë se nuk mund ta pyesë për një gjë të tillë, kur nuk është në dijeni të lidhjes së tyre.

Graciano thotë se Lorena është shumë naive dhe këtë gjë e thotë me bindje. Ndërsa Gentiana jep mendimin saj dhe thotë se ata të dy nuk kanë asgjë të përbashkët me njëri-tjetrin dhe se është humbje kohe, nëse vazhdojnë të qëndrojnë bashkë. “Prandaj edhe ne e lamë që mund ta vazhdojmë jashtë mbase lidhjen”, shprehet Graciano. Genta nuk mendon se mund të lidhen edhe jashtë sepse ata nuk kanë asgjë të përbashkët dhe fakti që Lorena vjen nga një provincë, e bën atë që të mos përshtatet dot. “Unë nuk e shikoj dot veten me një djalë nga Tirana me një profesion të mirë dhe me një shoqëri të mirë”, shprehet Genta për veten. Graciano ia quan për nder këshillat e saj. 

Monday, March 19, 2012

Genta-Gracianos “Dje nuk më pëlqeve fare”

|0 comments
Graciano dhe Anila qëndrojnë pranë njëri-tjetrit për një kohë të gjatë dhe bisedojnë për lidhjen e tij me Lorenën dhe për sjelljen e banorëve të tjerë. Pasi bisedojnë gjatë pranë pishinës, Graciano dhe Anila shkojnë në kuzhinë dhe e vazhdojnë bisedën edhe aty. Pak më vonë në kuzhinë vjen Gentjana e cila pas një përqafimi me Gracianon i thotë atij “më pëlqen ky Graciano, jo ai i djeshmi”.

Gentjana i thotë Gracianos se asaj i pëlqen Graciano ashtu siç është dhe jo si sillet ndonjëherë dhe u referohet kështu debateve që ka pasur Graciano me Vlashin dhe të tjerët në shtëpi. Genta i vë në dukje se për hir të lojës, Graciano ndryshon sjellje dhe acaron e ofendon pjesën tjetër të banorëve. Graciano mundohet që të shfajësojë veten duke thënë se ai po sillet në varësi të mënyrës se si të tjerët sillen kundrejt tij. Edhe Anila që ndodhet po aty përkrah Gentën dhe i thotë Gracianos se ngandonjëherë ai e tepron me sjelljen që bën gjatë debateve. “Edhe mua më ke bërtitur kot, pa lidhje, por unë s’ta kam marrë për ters” i thotë Anila Gracianos.

Gjatë kohës që Graciano bisedon me Gentën dhe Anilën, nuk harron që të ironizojë me fjalët e tyre. Kështu Genta ia kthen me ironi “ne këtu nuk duhet të sillemi kështu, se jemi një familje dhe unë ju dua shumë të gjithëve” dhe Genta ia kthen po me ironi duke i thënë se ai nuk i merr bisedat seriozisht shprehet “jo, ne jemi të gjithë kushërinj”.

Gentjana i kërkon Gracianos që të flasin qetësisht, pa qenë nevoja që të debatojnë. Kështu të tre ulen në tavolinën e ngrënies dhe fillojnë të sqarojnë sjelljen e tyre gjatë debateve që janë zhvilluar gjatë ditëve të kaluara në shtëpi. kështu për disa minuta të tjera Anila, Genta dhe Graciano komentojnë sjelljen e banorëve të tjerë kryesisht për debatet me Klaudjan dhe Arbërin.

Thashetheme për të nominuarit, Vlashi: “Graciano ka ndryshuar për keq”

|0 comments

Liami, Genta, Vlashi dhe Françeska ndodhen në dhomën e gjumit dhe bisedojnë për debatet që kanë ndodhur në shtëpi dhe për sjelljen e të nominuarve deri në këto momente. Kështu ata bëjnë thashetheme kryesisht për të nominuarit duke dhënë mendimet e tyre se cili mund të dalë të shtunën gjatë spektaklit.

Mendimet e banorëve janë të ndryshme ku Gentjana thotë se mund të eliminohet Klaudja duke kundërshtuar të tjerët që e konsiderojnë si konkurrente të fortë. Genta u thotë se nisur edhe nga komentet e opinionit gjatë live-it Klaudja duket se nuk pëlqehet shumë jashtë. Të tjerët e kundërshtojnë dhe thonë se përpara Klaudjas mund të eliminohet Lorena, Anila apo Ermira. Arbër është ai që e kundërshton Gentën në logjikën e saj dhe i thotë se askush nuk e di se sa pëlqehet jashtë.
Ndërsa Liami e komenton mesazhin e Opinionistit ndaj Klaudjas duke e lidhur me faktin se Klaudja i kishte kërkuar që të mos fliste për të.

Ata bisedojnë edhe për Edgarin dhe për Gracianon, të cilët gjithashtu janë të nominuar gjatë kësaj jave. Vlashi thotë se Graciano ka ndryshuar shumë që nga momenti që ka hyrë në shtëpi. “Graciano ka ndryshuar për keq” thotë Vlashi, ndërsa Liami imiton të shprehurën e tij. Arbër thotë se ai e injoron Gracianon sepse ai e acaron shumë. “Për mu ai nuk ekziston hiç” thotë Arbri, ndërsa Françeska i këshillon që të mos sillen në këtë mënyrë duke u acaruar me lojën e Gracianos sepse ai këtë ka si qëllim, që të acarojë të tjerët.

Më pas vajzat dalin jashtë dhe lënë djemtë në qetësi të cilën mundohen të flenë. Ato shkojnë në oborr dhe u bashkohen bisedave me pjesën tjetër të banorëve që ndodheshin aty edhe më parë.

Saturday, March 17, 2012

Genta, e indinjuar nga reagimi i Metit ndaj saj

|0 comments
Teksa Meti qëndron në pishinë, Genta kalon pranë tij e ai e lag me disa pika ujë nga pishina. Gentës nuk ipëlqen ky gjest, dhe kthehet e qëllon Metin. Ky i fundit nervozohet, dhe del nga pishina duke e ndjekur nga pas. Ai i thotë se bëri shumë gabim më atë gjest, por Genta thotë se ai e nisi këtë lojë jo të këndshme.

Meti kthehet në pishinë tek djemtë e komenton Gentën, duke thënë se është askushi për t’a bërë atë veprim karshi tij. Graciano shkon tek Genta dhe i thotë të jetë më e kujdesshme dhe më e ndalur me veprimet që bën. Nga ana tjetër, Genta ndihet keq e përlotet. Ermira shkon pranë saj dhe mundohet t’a qetësojë.

Genta shkon pranë Graciano e Anilës e shprehet se është ndjerë shumë keq nga reagimi i Metit ndaj saj e shprehet se nuk ia uron asnjë femre t’a ketë atë ndjesi. Ermira më pas, komenton me Klaudjën e Vlashin se Genta nuk ka qarë nga Meti, por nga sjellja e Gracianos karshi saj. Vlashi shprehet se Genta nuk i pranon shakatë e banorëve, ndërsa ata duhet t’i pranojnë shakatë e saja. 

Ish i dashuri i Gentës: Ja si e njoh ne intimitet Genten

|0 comments

26-vjeçari Melson Kurti, menaxher clubesh në Tiranë, tregon për lidhjen me banoren e BB5.Në skedën e saj të prezantimit në “Big Brother 5”, Genta ka pohuar se ka si qëllim t’u tregojë të gjithëve se edhe një vajzë që vjen nga një vend i vogël dhe periferik, mund të jetë po aq e integruar dhe e përparuar për shoqërinë. 22-vjeçarja nga fshati Baban i Devollit, e cila sapo ka përfunduar studimet për Anglisht, deri tani ka bërë përshtypje për natyrën e saj të çlirët në këtë lojë. Por cila ka qenë jeta e saj intime para se të hynte në BB5? Ajo vetë ka pohuar se ka pasur vetëm një lidhje të rëndësishme në jetën e saj, për të cilën preferon të mos flasë shumë pas zhgënjimit që ka pësuar. Por për vajzën që nuk ka komplekse për prejardhjen dhe formimin e saj dhe që nuk e ka problem të përballet me këdo që mund ta paragjykojë, flet një djalë nga Tirana, i cili tregon për dy muajt që kaloi me Gentën në një lidhje të hapur, siç ai e quan lidhjen me Gentën. Ai tregon se ajo ishte pro një lidhjeje të tillë, dhe e pret që pas daljes së saj nga shtëpia të krijojë lidhje serioze me të. 26-vjeçari Melson Kurti, menaxher club-esh në Tiranë, tregon për lidhjen me Gentën para se ajo të hynte në lojë dhe fotot që kanë realizuar bashkë fundjavave që dilnin në club-et e Tiranës.


Ku je njohur me Gentën dhe në ç’mënyrë?
Me Gentën jemi njohur në Tiranë gati 2 muaj e gjysmë më parë, para se ajo të hynte në BB5. Jemi prezantuar nëpërmjet një shoqes sime në një lokal. Ajo u afeksionua shumë pas meje, shkëmbyem numrat e telefonit dhe më pas komunikuam për një njohje më të thellë. Në fillim dilnim thjesht për kafe, pastaj vendosëm të dilnim fundjavave në club-e dhe shkëmbenim intimitet.
Si të është dukur Genta gjatë kohës që keni qëndruar bashkë?
Shumë tërheqëse. Gjatë kohës që kemi qëndruar bashkë më është dukur vërtet vajzë shumë e mirë, tërheqëse dhe e shkathët. Dinte të bënte për vete.
Të ka treguar sekrete për jetën e saj, për ndonjë lidhje të rëndësishme në jetë?
Po, më ka treguar për një lidhje serioze që ka pasur, dhe që kishte mbetur e zhgënjyer. Vetëm kaq.
Si sillej ajo për të tërhequr vëmendjen e një mashkulli, në këtë rast vëmendjen tënde?
Mënyra si sillej në tavolinë, si shikonte dhe si bisedonte, ishte e veçantë. Ndaj, në kuptimin e plotë të fjalës, unë do e konsideroja një flirt të vazhdueshëm me të. Dinte të luante.
Ju jetuat një lidhje të rregullt, apo vetëm u takuat disa herë? Si do e përkufizoje marrëdhënien me të?
Lidhja ime me Gentën ishte një lidhje e hapur. Kjo dhe për faktin se ca kohë unë u largova jashtë Shqipërisë dhe s’patëm mundësi ta konsolidonim si lidhje.
Kur u takuat për herë të fundit?
Hera jonë e fundit ishte një natë para se Genta të hynte në “BB”. Atë natë më tregoi që ishte pranuar si konkurrente e këtij “reality show”, pasi unë thjesht isha në dijeni që kishte hyrë në audicion.
E ndjek në lojën e saj brenda BB 5, si të duket?
Po. E ndjek vazhdimisht dhe e votoj Gentën. Mund të them që më pëlqen shumë në mënyrën si luan. Jam shumë i bindur që ajo do të ketë sukses në këtë show, pasi di të luajë shumë bukur dhe me mua.
Po në mënyrën se si sillet me meshkujt brenda, si të duket?
Nuk më bën përshtypje asgjë rreth komunikimit apo kontradiktave që krijohen brenda lojës, pasi nuk jam tip xheloz. Unë mendoj se ajo di t’ia dalë në çdo moment.
Si do ta përkufizoje atë si femër në lidhje, indiferente apo posesive?
Më shumë më është dukur posesive.
Po në intimitet si ishte Genta?
Ishte realisht shumë e mirë. Madje, më ka bërë përshtypje fakti që për andej nga ajo vjen është shumë mendjehapur, sepse ajo di të sillet shumë më çlirët se femrat që jetojnë këtu në Tiranë. Ajo ishte e gatshme të pranonte me moskokëçarje qoftë edhe një lidhje të hapur, që shumë pak vajza e pranojnë.
Çfarë ke menduar për lidhjen me Gentën, pasi ajo të dalë nga shtëpia?
Nëse do të jem në Shqipëri, do ta vazhdoj lidhjen me Gentën, sigurisht duke e konsoliduar si një lidhje të rregullt.

Social Profiles