Showing posts with label big brother albania thashetheme. Show all posts
Showing posts with label big brother albania thashetheme. Show all posts

Tuesday, March 20, 2012

Ermira dhe Edi zgjedhin zemrën e plotë;- Anila në zemrën e thyer tregon Dashurinë me shikim të parë

|0 comments

Ermira është banorja e parë që ulet pranë zemrës së plotë dhe fillon që të tregojë historinë e saj të dashurisë. Javën e kaluar ajo pati një surprizë gjatë spektaklit dhe të gjithë u njohën me historinë e saj të dashurisë. Ermira tregon shumë shkurt për njohjen e saj duke thënë se pranë djalit që tashmë është i dashuri i saj është ndjerë shumë mirë që në takimin e tyre të parë sepse kanë folur gjatë dhe ai e ka vlerësuar shumë praninë e saj.
Ajo thotë se kjo është një lidhje shumë e rëndësishme për të dhe se duke u nisur nga mënyra se si kanë rrjedhur gjërat në këtë dashuri ajo thotë “mendoj se tashmë filizi i dashurisë ka lindur”.

Mbas Ermirës edhe Edi ulet në zemrën e plotë dhe tregon për njohjen e tij pas ndarjes nga bashkëshortja e tij. Edi tregon se me gruan aktuale është njohur gjatë një inaugurimi të një lokali dhe më pas lindi dashuria e tyre ai u thotë banorëve se e ka pak të vështirë që të flasë për gjëra kaq intime përpara kaq shumë njerëzve. Banorët e tjerë fillojnë ta pyesin dhe Edi i shmang pyetjet e tyre. ai e mbyll rrëfimin e tij duke thënë “është vajzë shumë e zgjuar dhe sot e kam grua”. Ai u tregon banorëve se nesër ajo ka ditëlindjen dhe ai do t’ua thotë nesër se sa vjeç është ajo.

Pas Edit Anila fillon historinë e saj të dashurisë. Ajo thotë se përpara disa kohësh ka njohur një djalë me të cilin më pas krijoi një lidhje. Anila e konsideron dashurinë e saj si një dashuri me shikim të parë. Anila thotë se ajo lidhje ka qenë gjëja më e rëndësishme për të dhe shprehet “s’do ta harroj kurrë gjatë gjithë jetës”. Ajo thotë se lidhja e saj përfundoi, por do të ngelet si një nga gjërat e saj më të rëndësishme. 

Françeska tregon për dashurinë e saj; Vlashi i jep një mesazh vajzës jashtë

|0 comments

Françeska ulet pranë zemrës së thyer dhe fillon të tregojë për një lidhjen e saj e cila e ka bërë të vuajë. Ajo thotë se është lidhur në moshë të vogël kur ishte vetëm 16-vjeç. Françeska thotë se nuk është e sigurtë nëse ajo ka qenë dashuri e vërtetë sepse edhe vetë mosha e saj e vogël ndoshta nuk e kuptonte mirë këtë. Françeska thotë se lidhja e saj zgjati më tepër se një vit, por një ditë mësoi se ai kishte tre vite të tjera i lidhur me një tjetër vajzë dhe kjo e lëndoi shumë. Françeska e mbyll rrëfimin e saj duke thënë “tani thjesht flasin, por që nuk mendoj që të lidhem më me të dhe jo më të dashurohem përsëri”.

Më pas pranë po të njëjtës zemre ulet Vlashi. Ai tregon me humor se si është njohur me një vajze gjatë një programi televiziv. Ai thotë se historia e tij ka filluar para një viti. Ai e konsideron lidhjen e tij si një dashuri me shikim të parë. Vlashi rrëfen se ajo ishte dashuria e jetës së ti. “E them me bindje që ajo është dashuria e jetës sime” thotë Vlashi teksa tregon se një javë e gjysmë përpara se të hynte në BB5 janë ndarë pa ndonjë arsye të fortë.

Vlashi thotë se dëshiron që të kthehet përsëri dhe i drejtohet drejtpërdrejt asaj duke thënë “i them vetëm se e dua pa fund dhe them se do kaloj shumë kohë që të dua një tjetër si ajo”.

Lorena e lumtur për historinë e saj; Meti rrëfen dashurinë e humbur

|0 comments

Lorena ulet në zemrën e thyer dhe e nis rrëfimin e saj duke thënë se për atë dashuri të humbur zemra e saj nuk u thye kurrë. Ajo tregon se ka pasur një lidhje të rëndësishme për katër muaj dhe që ka lënë gjurmë në jetën e saj. ajo thotë se me një shokun e saj të ngushtë të gjimnazit krijoi një lidhje të bukur, por që më pas u frikësua se do ta humbiste atë si njeri dhe vendosi që t’i jepte fund lidhjes së saj për të rifituar përsëri shoqërinë e dikurshme. Lorena thotë se fillimisht pas lidhjes shoqëria e tyre ishte e vështirë, por tashmë ata janë shumë miq të mirë dhe e mbyll rrëfimin e saj duke thënë “tani jemi shumë shok dhe e përshëndes”.

Pas Lorenës Meti ulet pranë zemrës së thyer dhe e fillon rrëfimin duke thënë se do të dëshironte të ulej te zemra e parë që simbolizon një dashuri që përjetohet aktualisht, por duke qenë se lidhja e tij ka përfunduar tashmë ai duhet të ulet pranë zemrës së ndarë. Meti tregon se ka pasur një lidhje të rëndësishme dhe se vajza që ka pasur pranë e ka bërë që të ndjehej shumë mirë.

Meti tregon se atë që ka përjetuar me atë vajzë nuk e ka përjetuar asnjëherë tjetër. Meti thotë se puna e tij dhe largësia ndikuan që ta të përfundonin lidhjen e bukur që patën. Meti thotë se edhe pse u përpoq shumë që ta ruante atë dashuri nuk mundi dhe e mbyll rrëfimin duke thënë se shpreson që të vijë një tjetër dashuri e re edhe më e bukur.

Erioni, Graciano dhe Klaudja rrëfejnë shkurt dashuritë e humbura

|0 comments

Erioni ulet në zemrën e thyer dhe tregon për një lidhje që ka pasur jashtë shtëpisë. Ai u thotë banorëve se ka dashur shumë vajzën jashtë dhe vazhdon ta dojë, por nuk është i sigurtë nëse lidhja e tij vazhdon apo ka përfunduar, është mbyllur përfundimisht. Erioni thotë se për dy vjet e gjysmë ai nuk ka parë asnjë femër tjetër dhe se ajo ndjenjë është shumë e rëndësishme për të. “Nuk e di se si jam tani dhe kjo më bën të jem i pasigurtë” thotë Erioni dhe e mbyll rrëfimin e tij duke thënë se vazhdon ta dojë shumë vajzën jashtë.

Pas tij në po të njëjtin vend ulet Graciano i cili tregon edhe ai për një vajzë që ka dashur dhe vazhdon që ta dojë. “Ajo është zemra ime” thotë Graciano dhe më pas shton se tashmë nuk është më me të. Graciano ndryshe nga të tjerët vendos që të tregojë një surprizë të madhe që i ka bërë ish-të dashurës për t’i treguar asaj se sa shumë vlente për të. Graciano e mbyll historinë e tij duke thënë “për fat të keq nuk më ka goditur njeri si ajo, deri tani” dhe ia le vendin Klaudjas.

Ashtu si dy djemtë Klaudja vendos të ulet pranë zemrës së thyer edhe pse do të dëshironte që ta konsideronte si një dashuri të largët, në pritje dhe të ulej pranë zemrës me krahë.Klaudja fillon të tregojë për një histori të rëndësishme të jetës së saj që ka zgjatur shumë pak, por shumë të rëndësishme. Klaudja tregon se është ndarë për shkak se familja e saj nuk donte. “Është një person që unë vazhdoj ndjej akoma dhe nuk besoj se do ta harroj kurrë” thotë Klaudja. Klaudja thotë se ka ëndërr që ai të kthehet përsëri pranë saj. “E dua realisht shumë dhe atij nuk ia kam thënë”thotë Klaudja dhe më pas e mbyll rrëfimin e saj.

Mes lotëve Genta rrëfen historinë e saj të trishtuar të dashurisë

|0 comments
Pas Arbrit pranë zemrës së thyer ulet Genta. Me zërin që i dridhet ajo e fillon rrëfimin e saj me një lutje ndaj banorëve. Genta u kërkon që të ruajnë seriozitetin dhe ta dëgjojnë sepse për të kjo është një histori shumë e rëndësishme për të dhe që ka lënë gjurmë të thella tek ajo. Genta ua ka treguar këtë histori disa prej banorëve dhe tashme po ua tregon të gjithëve.

Genta rrëfen se është njohur me djalin që i ka thyer zemrën në moshë shumë të vogël kur ajo ishte ende pa u bërë 14 vjeç dhe ai ishte vetëm 16 vjeç. Genta thotë se e gjithë lidhja e saj nisi nga një puthje që qe dhe puthja e saj e parë e dashurisë. Genta tregon se ish-i dashuri fillimisht nuk e ka pëlqyer shumë atë, por më pas të dy ia kalonin shumë mirë.

Gjithçka nisi të shkatërrohej kur familjet e tyre e morën vesh. “Më e keqja ishte kur familja e tij e mori vesh sepse ata nuk e pëlqenin familjen time të thjeshtë, me dy prindër pa shkollë, emigrant” thotë mes lotëve Genta. Genta thotë se prindërit e djalit i kanë ofruar edhe lekë që ajo të ndahej prej tij. Genta tregon se nga familjarët e ish-të dashurit i janë bërë edhe presione duke i thënë se nëse nuk largohej prej tij ata do t’i bënin keq familjes së saj.

Të gjithë banorët preken kur Genta duke qarë tregon për momentet më të vështira të ndarjes së saj, teksa ish-i dashuri nisej për të vazhduar shkollën në Iran. Ajo thotë se iu përgjërua që ai të mos largohej dhe lidhja e tyre të vazhdonte më tej. Genta tregon edhe për momente të bukura duke përmendur kthimin e tij ditën që ajo kishte Mbrëmjen e Maturës dhe ditëlindjen e saj të 18-të. ajo thotë se ajo ishte dita më e bukur e dashurisë së saj.

Genta e mbyll rrëfimin e saj duke u kërkuar falje të dyja familjeve sepse për herë të parë thotë gjëra që ata nuk i dinin. 

Liami flet për të dashurën në Gjermani, ndërsa Arbri rrëfen për dashurinë e humbur

|0 comments
Liami është ai që hap i pari Provën e Dashurisë. Ai edhe një tjetër herë tregon për të dashurën që ka në gjermani. Liami ulet pranë zemrës me krahë që simbolizon një dashuri që gjendet larg, një dashuri në pritje dhe tregon shkurtimisht se si është njohur me vajzën që e pret jashtë. Ai ka folur shpesh për të dhe të gjithë banorët e dinë historinë e tij, por edhe një herë ai thotë se ajo dashuri është shumë e rëndësishme për të.

Liami përfundon shpejt dhe ia le radhën Arbrit. Arbëri ulet pranë zemër se thyer dhe fillon të tregojë për dashurinë e tij të mbyllur tashmë. Arbëri tregon se ka dy dashuri të tilla, por për të parën nuk mundet të flasë sepse ajo vajzë tashmë ka krijuar një familje dhe nuk do që të flasë për dhe kështu flet për historinë e tij të dytë.

Arbëri thotë se parapara disa kohësh ka njohur një vajzë që nuk ishte nga Prishtina, por që studionte aty. Ai thotë se me të pasi u njohën nëpërmjet shoqërisë së përbashkët që kishin, krijuan një lidhje të bukur që zgjati për disa kohë edhe me dijeninë e familjeve të tyre.
Arbri tregon se fundi i dashurisë së tij erdhi për shkak të distancës që u krijua midis tyre pasi ai u largua për në Amerikë. “ndryshimi i kohës bënte që ne shpesh të mos flisnim dot në orare të duhura dhe pas disa muajsh vura re që ajo po largohej” thotë me trishtim Arbri.

Ai tregon se në fund nëpërmjet një shoqeje kuptoi se ish-e dashura e tij nuk donte të vazhdonte më tej lidhjen e tyre. arbri thotë se kur u kthye e kërkoi ish-të dashurën, por në telefonin e saj iu përgjigj e motra e cila i kishte thënë se ajo nuk donte të fliste dhe se kjo ishte më e mira për të dy. “Tash ka kohë që nuk mundem me u lidh me një vajzë seriozisht” e mbyll rrëfimin e tij arbri dhe të tjerët duartrokasin.

Banorët kritikojnë Gentën për historinë e saj me ish-të dashurin; Thashetheme

|0 comments
Genta flet në sallon me banorët për ish-të dashurin e saj. Ndërsa Ermali teksa e dëgjon, e këshillon që ajo të mos flasë për të, sepse nuk ka pse ta marrin vesh gjithë këta njerëz vetëm versionin e saj për dikë që nuk e njohin. Të njëjtin mendim ka edhe Erioni. Ajo thotë se një pjesë të fajit mund ta ketë vetë për sa i përket ndarjes me të.

Françeska dhe Graciano dalin në kopsht dhe komentojnë historinë e Gentës. Françeskës i duket çudi që Genta vazhdon që ta dojë aq shumë një njeri që ka ushtruar dhunë tek ajo. Françeskës i duket çudi fakti që Genta i është afruar dhe ka dashur që të lidhet me Metin. Graciano teksa e dëgjon i bën pyetjen: “Po Ermali si të duket, që është i lidhur jashtë, ndërkohë që u lidh me ty, nuk mendon se mund të ta bëjë edhe ty të njëjtën gjë”. Françeska thotë se këtë gjë mund ta shikosh nga aspekte të ndryshme, sepse ai nuk mund ta dojë personin që ka lënë jashtë.

Nga ana tjetër Erioni mundohet që ta ngushëllojë Gentën lidhur me sulmet që ka pasur nga banorët, duke i thënë që të bëhet e fortë se që tani e tutje gara do të bëhet më e fortë dhe do të ketë më shumë presion. Asaj nuk i kanë pëlqyer komentet e Françeskës dhe Klaudjas lidhur me historinë e saj, por sjelljet e tyre i justifikon si pjesë të lojës.

Françeska dhe Ermali shkojnë në dhomën e gjumit dhe shtrihen në krevat, duke puthur e ledhatuar njëri-tjetrin. “Ty të konsideroj të dashur”, i thotë Ermali. “Ku dole në këtë konkluzion? Nuk jam e dashura jote, harroje!”, ia kthen Françeska duke qeshur. Ata vazhdojnë që të pëshpëritin poshtë jorganit, ndërsa të gjithë banorët e tjerë janë në gjumë.

Erioni debaton për pastërtinë në shtëpi; Liami tregon për familjen

|0 comments
Erioni shkon në banjë dhe shikon që banja është e papastër. Shkon te dhoma e gjumit, ku është Anila dhe i nervozuar i kërkon asaj që të shkojnë në banjë, për të parë papastërtitë. Ai thotë se ambienti duhet të jetë sa më i pastër sepse ata atje jetojnë. Klaudja nervozohet dhe i thotë se ai duhet ta marrë situatën me qetësi, sepse nuk fiton asgjë duke folur me ton të lartë. Edgari mendon se banjën duhet ta pastronte personi që e kishte radhën, ashtu siç pastroi ai gjatë gjithë ditës kuzhinën. Anila e nervozuar thotë se këto debate Erioni duhet që t’i bëjë para se Vëllai i Madh të fikë dritat. Erioni mendon se ajo ato punë duhet t’i bëjë gjatë ditës, por po ia thotë tani që ta ketë parasysh për herë tjetër.

Pasi ikën Erioni nga dhoma, Genta shprehet se Erioni është shumë zemërmirë. “Pse ne të tjerët si e kemi Genta?”, thotë e nervozuar Anila. Ajo e sqaron se Erioni nuk i ka bërtitur me ndonjë qëllim të keq dhe të njëjtin mendim me Gentën ndan edhe Lori.

Erioni pas disa minutash hyn sërish në dhomë dhe shkon tek Anila për ta puthur, duke i kërkuar në një farë mënyre falje që e ka mërzitur. Anila qesh dhe e puth.

Pothuajse të gjithë banorët janë në gjumë, vetëm disa prej tyre janë ende zgjuar dhe bisedojnë me zë të ulët në dhomën e gjumit. Liami flet me Arbrin për familjaret e tij. Ai thotë se të dy prindërit i ka në punë, por me rroga të ulëta. Tregon për të atin i cili punon si magazinier, ndërsa e ëma si bebisiter. Ai thotë se i ndihmon me lek, kur ka mundësi, por jo rregullisht. Ai thotë se është më i lidhur me të ëmën sepse sipas tij, djemtë janë më të lidhur me mamatë.

Thashetheme për të nominuarit; Françeska: “Edi fle gjithë ditën”

|0 comments

Në dhomën e gjumit ndodhen Anila dhe Meti, të cilët rrinë në heshtje, pa biseduar. Më pas shkon Lorena atje dhe fillon që të flasë me Anilën, pasi kjo e fundit e pyet për marrëdhënien e saj me Gracianon. Anila i tregon se ka folur me Gracianon për këtë temë, por ai nuk ka dashur që të flasë gjatë. Lorena i tregon se kanë folur dhe do ta diskutojnë sërish në një moment tjetër. Ajo nuk e konsideron veten të ndarë nga lidhja me Gracianon, por nuk dëshiron që të flasë më gjatë.

Atje shkon Françeska dhe të treja vajzat fillojnë që të diskutojnë për të nominuarit e kësaj jave dhe banorin që mund të eliminohet. Françeska mendon se Anila nuk do të dalë nga shtëpia këtë javë, por banori që do të dalë, do të jetë mashkull. Sipas Lorenës, fakti që mund të flasësh shumë, në mënyrë që të bëhesh aktive, nuk do të thotë që mund të të shpëtojë nga eliminimi. Sipas saj, duhet të dish se si të fitosh simpatinë e publikut.

Më pas Françeska dhe Lorena dalin në kopsht dhe fillojnë të diskutojnë me njëri-tjetrit për të nominuarit e kësaj jave. Sipas Françeskës, publiku në fillim voton banorët që janë më aktivë, por sipas saj këtë javë duhet që të dalë Anila. “Dyshoj edhe për ty”, i thotë Françeska Lorenës, ndërsa kjo e fundit nuk komenton. Më pas atje shkon Arbri dhe Françeska e pyet se për cilin nga banorët mendon se do të eliminohet, por Arbri nuk përmend disa banorë, duke mos pasur një mendim të qartë. Arbri mendon se vetëm Edgari nuk mund të rrezikojë daljen. Arbri mendon se banorët do të jenë me diferenca të mëdha votash, por Françeska nuk ndan të njëjtin mendim me të. Ajo thotë se Edgari nuk është ndonjë lojtar i fortë sepse fle gjatë gjithë ditës. Sipas saj, ai nuk do të ketë ndonjë diferencë votash, krahasuar me banorët e tjerë.

Liami: “Lorena nuk është për këtë format”

|0 comments
Më pas Genta shkon te pishina, ku ndodhet Liami. Ai qëndron i zhytur në pishinë dhe thotë se i pëlqen të rrijë vetëm atje, sepse arrin të dëgjojë vetëm zërin e brendshëm të tij. Genta e pyet se çfarë i thotë ky zë dhe Liami ia kthen: “Do t’i kafshoj të gjithë”. Genta e kalon bisedën me shaka e të dy fillojnë që të qeshin me njëri-tjetrin.

Liami e pyet se si po i duket jeta brenda shtëpisë tani që ka kaluar kaq kohë dhe Genta fillon që të shprehet me të, duke thënë se shumica e banorëve veprojnë me qëllim për të lënduar tjetrin. Liami nuk e mendon kështu. Ai thotë se loja është individuale dhe se jetesa brenda është një garë që bëhet midis banorëve. Gentiana i tregon për bisedën që ka pasur me Gracianon në lidhej me marrëdhënien e tij me Lorenën. Liami mendon se Lorena është tepër e urtë dhe e papërshtatshme për këtë lloj formati. “Kush të pyet që je njeri i mirë këtu, duhet lojë”, shprehet Gentiana. “E paske kuptuar më në fund”, ia kthen Liami. Ajo flet për veten dhe i kërkon falje Liamit për ndonjë gjë që e ka mërzitur, duke thënë se vepron pa pasur një qëllim të keq, por Liami i thotë se ajo shpesh bërtet kot, sa për t’u dëgjuar nëpër shtëpi dhe se kjo gjë nuk i pëlqen.

Më pas atje shkojnë edhe disa nga banorët e tjerë, të cilët futen në pishinë dhe fillojnë të argëtohen së bashku me ujë. 

Genta: “Jam ndryshe nga banorët e tjerë, sepse jetoj në provincë”

|0 comments
Genta fillon që të flasë për veten, duke e krahasuar me banorët e tjerë brenda shtëpisë dhe thotë se është shumë e ndryshme nga banorët e tjerë për shumë arsye. Genta mendon se fakti që nuk ka jetuar asnjëherë jashtë shtetit, që nuk është shkolluar dhe ka jetuar në Tiranë, që nuk ka punuar asnjëherë në jetën e saj dhe kjo për faktin se jeton në një vend të vogël, ku mundësitë janë shumë të pakta, e bën atë që të jetë e ndryshme nga pjesa tjetër e banorëve dhe se duhej të ndihej inferiore përballë tyre, por ajo nuk ndihet aspak e tillë.

Genta thotë se mundohet shumë që të përshtatet me banorët edhe pse e konsideron veten se ka mungesa në të gjitha fushat, krahasuar me rininë kryeqytetase. “Të gjitha vajzat këtu kanë pasur më shumë se një lidhje, ndërsa unë vetëm një”, shprehet Genta. Ajo mendon se fakti që mund të kesh pasur më shumë se një lidhje, të bën të ndihesh më e lirshme. Më pas krahason veten e saj me Lorenën dhe thotë se ajo duhet të mundohet të bëjë diçka, qoftë edhe të flasë gabim, por është më mirë se sa të heshtë, sipas Gentës. Graciano nuk është dakord që Genta ka më pak rëndësi dhe vlera se banorët e tjerë brenda shtëpisë, por e falënderon dhe e përqafon për fjalët që i ka thënë në lidhje me marrëdhënien që duhet të ketë ai me Lorenën. 

Genta-Gracianos: “Lidhja jote me Lorin, pa të ardhme”

|0 comments
Ndërsa disa nga banorët vazhdojnë që të argëtohen në pishinë, ndërsa disa të tjerë bëjnë shaka me njëri-tjetrin në kopsht, në dhomën e gjumit vazhdon biseda mes Gentës dhe Gracianos. Genta e pyet Gracianon se si janë marrëdhëniet midis tij dhe Lorit dhe se cili është qëllimi i tij me krijimin kësaj lidhjeje, pasi sipas saj, kjo lidhje nuk po evidenton diçka dhe nuk është në të mirë të asnjërit. “Mendova se do të nxirrte më në pah Lorin, por nuk po ndikon për mirë, as për atë”, shprehet Genta. Graciano nuk pranon që të flasë, duke thënë: “Gjërat janë më të thella nga sa duken”. Ai i kërkon Gentës që të flasë me Lorin lidhur me të, sepse nuk i pëlqen që të flasë ai më parë. “Unë nuk e marr vesh as se kur flisni ju me njëri-tjetrin”, i thotë Genta, ndërsa Graciano shprehet se edhe mungesa e komunikimit është diçka që nuk shkon në marrëdhënien e midis tyre.

Genta kërkon të mësojë më shumë për Lorin dhe thotë, duke marrë shkas nga fjalët e Ermalit, i cili ka thënë se Lorena duhet të jetë shumë naive, ose shumë e keqe dhe se këtë e tregon fakti që krijoi një lidhje sapo hyri në shtëpi, ndërkohë që është aq e urtë sa nuk dëgjohet nëpër shtëpi. “Ajo nuk është lidhur”, shprehet Graciano. Ai i kërkon Gentës që ta pyesë Lorenën se si është zënë me Gracianon, ndërsa Genta thotë se nuk mund ta pyesë për një gjë të tillë, kur nuk është në dijeni të lidhjes së tyre.

Graciano thotë se Lorena është shumë naive dhe këtë gjë e thotë me bindje. Ndërsa Gentiana jep mendimin saj dhe thotë se ata të dy nuk kanë asgjë të përbashkët me njëri-tjetrin dhe se është humbje kohe, nëse vazhdojnë të qëndrojnë bashkë. “Prandaj edhe ne e lamë që mund ta vazhdojmë jashtë mbase lidhjen”, shprehet Graciano. Genta nuk mendon se mund të lidhen edhe jashtë sepse ata nuk kanë asgjë të përbashkët dhe fakti që Lorena vjen nga një provincë, e bën atë që të mos përshtatet dot. “Unë nuk e shikoj dot veten me një djalë nga Tirana me një profesion të mirë dhe me një shoqëri të mirë”, shprehet Genta për veten. Graciano ia quan për nder këshillat e saj. 

Monday, March 19, 2012

Meti dhe Lorena flasin për shoqërinë;- Meti: “Kur flas me Edin, e di që po flas me një shok”

|0 comments
Meti dhe Lorena ndodhen në zonën pranë pishinës dhe bisedojnë për shoqërinë, rëndësinë që ajo ka në jetën e tyre dhe për miqësinë që kanë krijuar brenda shtëpisë. Lorena thotë se çdo njeri ndjehet mirë kur e di që k një mik të mirë.
Meti thotë se te Graciano ai sheh një shok dhe një shok për të është si vëlla. Graciano vjen aty dhe thotë “ju ndërpreva’ dhe largohet, ndërsa Meti dhe Lorena vazhdojnë bisedën e tyre.

Meti i thotë Lorenës se ai jashtë ka shumë shoqëri të madhe, por pak miq zemre dhe më se shumti ka shoqe zemre. Meti thekson se vajzat besojnë më lehtë dhe janë më të dashura në shoqëri, bëjnë më shumë për shoqërinë. Ai thotë se në momentin kur Genta e eliminoi nga loja dhe ai shkoi në studion e spektaklit, vuri re se aty ishin të pranishëm miqtë dhe mikeshat e tij që kishin ardhur nga Prishtina për ta përkrahur.

Lorena thotë se kjo është një gjë shumë e bukur, por që nuk mund të ndodh brenda shtëpisë se BB5. ajo thotë se ka vënë re se shumica e banorëve sillen ashtu siç nuk do të silleshin jashtë dhe pothuajse janë bërë kopje e njëri-tjetrit. Meti ndan të njëjtin mendim për të deri diku. Ai thotë se brenda shtëpisë një pjesë nga banorët u flet vetëm se janë pjesë e shtëpisë, nëse do të ishin jashtë nuk kishte për t’u folur. Nga ana tjetër ai thotë se me një pjesë tjetër prej tyre ka krijuar miqësi dhe përveç Gracianos, vlerëson edhe Edgarin.

Meti thotë se në jetën e tij ka ndenjur me shok shumë më të mëdhenj se ai dhe kur rri me Edin i duket e njëjta gjë. “Kur flas me Edin, e di që po flas me një shok” thotë Meti. Ndërsa Meti thotë se është shumë i lumtur për faktin se ka një miqësi shumë të mirë, aty vjen Edgari dhe futet në bisedë me ta.

Sistemimi i ushqimeve sjell debate dhe ironi mes banorëve

|0 comments
Banorët ndodhen në dhomën e ndenjes dhe bisedojnë për tema të ndryshme. Ndërkaq ata njoftohen se ushqimet që kanë porositur me buxhetin e kësaj jave i cili është përsëri 50%, kanë ardhur dhe ata duhet t’i sistemojnë. Kështu pothuajse të gjithë merren me sistemimin e ushqimeve me përjashtim të Gracianos.

Banorët teksa sistemojnë ushqimet shkëmbejnë diskutime të ndryshme dhe debatojnë. Sapo vjen buxheti Graciano, Lorena dhe Anila marrin ushqime dhe fillojnë të hanë. Graciano ironizon Ermalin i cili vëzhgon me kujdes sjelljen e banorëve. “Po hamë ne Ermal, numëroji pak se sa po hamë” i thotë Graciano Ermalit me ironi. Ermali i përgjigjet se ai po i sheh të gjithë se çfarë po bëjnë dhe nuk është nevoja që ai t’ia kujtojë një gjë të tillë. Ermali i thotë Gracianos që të merret me diçka, por ai tallet dhe vazhdon që të hajë duke parë të tjerët të punojnë.

Më pas të gjithë shkojnë në kuzhinë dhe merren me sistemimin e ushqimeve. Genta ndërsa mundohet që të sistemojë karotat, nxjerr djathin nga frigoriferi. Ermali fillon të bërtasë dhe i kërkon që të sistemojë djathin e të mos e lërë jashtë frigoriferit. Genta i thotë se ajo po mundohet të sistemojë ushqimet dhe djathin do ta vendosë përsëri në frigorifer.

Kështu për disa minuta me radhë, ndërsa merren me sistemimin e ushqimeve, banorët diskutojnë pikërisht për ushqimet. 

Thashetheme për të nominuarit, Vlashi: “Graciano ka ndryshuar për keq”

|0 comments

Liami, Genta, Vlashi dhe Françeska ndodhen në dhomën e gjumit dhe bisedojnë për debatet që kanë ndodhur në shtëpi dhe për sjelljen e të nominuarve deri në këto momente. Kështu ata bëjnë thashetheme kryesisht për të nominuarit duke dhënë mendimet e tyre se cili mund të dalë të shtunën gjatë spektaklit.

Mendimet e banorëve janë të ndryshme ku Gentjana thotë se mund të eliminohet Klaudja duke kundërshtuar të tjerët që e konsiderojnë si konkurrente të fortë. Genta u thotë se nisur edhe nga komentet e opinionit gjatë live-it Klaudja duket se nuk pëlqehet shumë jashtë. Të tjerët e kundërshtojnë dhe thonë se përpara Klaudjas mund të eliminohet Lorena, Anila apo Ermira. Arbër është ai që e kundërshton Gentën në logjikën e saj dhe i thotë se askush nuk e di se sa pëlqehet jashtë.
Ndërsa Liami e komenton mesazhin e Opinionistit ndaj Klaudjas duke e lidhur me faktin se Klaudja i kishte kërkuar që të mos fliste për të.

Ata bisedojnë edhe për Edgarin dhe për Gracianon, të cilët gjithashtu janë të nominuar gjatë kësaj jave. Vlashi thotë se Graciano ka ndryshuar shumë që nga momenti që ka hyrë në shtëpi. “Graciano ka ndryshuar për keq” thotë Vlashi, ndërsa Liami imiton të shprehurën e tij. Arbër thotë se ai e injoron Gracianon sepse ai e acaron shumë. “Për mu ai nuk ekziston hiç” thotë Arbri, ndërsa Françeska i këshillon që të mos sillen në këtë mënyrë duke u acaruar me lojën e Gracianos sepse ai këtë ka si qëllim, që të acarojë të tjerët.

Më pas vajzat dalin jashtë dhe lënë djemtë në qetësi të cilën mundohen të flenë. Ato shkojnë në oborr dhe u bashkohen bisedave me pjesën tjetër të banorëve që ndodheshin aty edhe më parë.

Social Profiles